मुंबई : मुंबई पोलिसांना धमकी देऊन आव्हान उभे करण्याचे सत्र काही संपत नाही. बुधवारी तर चक्क भारत आणि न्यूझीलंड सामन्यादरम्यान वानखेडे स्टेडियमवरच आग लावण्याची धमकी देण्यात आली. यानंतर स्टेडियमवरील पोलिस बंदोबस्तामध्ये वाढ करण्यात आली.
पोलिसांनी ‘एक्स’वर पोस्ट करून धमकी देणाऱ्यास लातूर येथून ताब्यात घेतले. अल्पवयीन असलेल्या हा मुलगा विराट कोहलीचा चाहता असल्याचे म्हटले जात आहे.
पोलिसांनी ‘एक्स’वर पोस्ट करून धमकी देणाऱ्यास लातूर येथून ताब्यात घेतले. अल्पवयीन असलेल्या हा मुलगा विराट कोहलीचा चाहता असल्याचे म्हटले जात आहे.
भारत आणि न्यूझीलंड यांच्यातील उपांत्य फेरीचा सामना बुधवारी वानखेडे स्टेडियमवर खेळवला गेला. मात्र सामना सुरू होण्यापूर्वी ‘एक्स’वर आलेल्या एका संदेशाने खळबळ उडवून दिली. मुंबई पोलिसांना टॅग करण्यात आलेल्या या संदेशात वानखेडे स्टेडियमवर मोठ्या घटना घडणार आहेत, असे नमूद करण्यात आले होते.
इतकेच नाही तर या संदेशाबरोबर बंदूक, हँडग्रेनेड आणि गोळ्यांचा फोटो यासोबत जोडण्यात आला होता. या सामन्यादरम्यान आम्ही आग लावू, असा इशारा या व्यक्तीने दिला होता.
विक्रमास विजयाची झळाळी; विराट, श्रेयसच्या शतकांस शमीची साथ; भारत अंतिम फेरीत
‘एक्स’वरून देण्यात आलेल्या या धमकीची मुंबई पोलिसांनी गंभीर दखल घेतली. या सामन्याला अनेक अतिमहत्त्वाच्या व्यक्ती उपस्थित होत्या. त्यातच ही धमकी आल्याने पोलिसांनी या ठिकाणी कडक बंदोबस्त ठेवला होता. दुसरीकडे ही धमकी देणाऱ्याचा शोध घेण्यासाठी पथके तयार करण्यात आली.
भारताच्या शानदार विजयाचा काय ठरला टर्निंग पॉईंट, त्या १८ चेंडूंमुळे भारताने कसे पुनरागमन केले; जाणून घ्यागुन्हे शाखेच्या पथकाने लातूर येथून ‘एक्स’वर धमकी देणाऱ्यास शोधून काढले. त्याला ताब्यात घेऊन चौकशी केली असता तो अल्पवयीन असल्याचे आढळले. विराट कोहलीचा फॅन असलेल्या या मुलाने नेमके हे कृत्य कशासाठी केले, हे मात्र समजू शकले नाही. केवळ खोडसाळपणा आणि लक्ष वेधण्यासाठी त्याने हे केल्याचे म्हटले जात आहे.
Read Latest Cricket Updates And Marathi News