वसई विरार : वसई विरारकरांना पाण्याची समस्या भेडसावत असून या पाणी प्रश्नाबाबत महाराष्ट्र नवनिर्माण सेनेच्या वतीने वसई विरार महानगर पालिकेवर महामोर्चा काढण्यात आला. या मोर्चाचे नेतृत्व मनसे अध्यक्ष राज ठाकरे यांच्या पत्नी शर्मिला ठाकरे यांनी केले. अविनाश जाधव मी तुझ्या मदतीला येईल, तू लढाई सुरू ठेव. माझ्यावर गेल्या अनेक वर्षात एकही केस नाहीये. पक्षाच्या कामासाठी माझ्यावर पहिली केस होऊदेत, मी तुझ्या सोबत आहे, असं शर्मिला राज ठाकरे म्हणाल्या.
मनसेच्या मोर्चात मोठ्या संख्येने सामान्य नागरिक, महिला सहभागी झाल्या होत्या. येत्या पाच दिवसात वसई विरारकरांना पाणी पुरवठा सुरू केला नाही तर मनसेचे पदाधिकारी स्वतः पाणीपुरवठा सुरू करतील. त्या आंदोलनात मी स्वतः सहभागी होणार असल्याचे सांगून, यासाठी माझ्यावर एक केस झाली तरी चालेल, अशी प्रतिक्रिया यावेळी शर्मिला ठाकरे यांनी प्रसारमाध्यमांशी बोलताना दिली आहे.
मनसेच्या मोर्चात मोठ्या संख्येने सामान्य नागरिक, महिला सहभागी झाल्या होत्या. येत्या पाच दिवसात वसई विरारकरांना पाणी पुरवठा सुरू केला नाही तर मनसेचे पदाधिकारी स्वतः पाणीपुरवठा सुरू करतील. त्या आंदोलनात मी स्वतः सहभागी होणार असल्याचे सांगून, यासाठी माझ्यावर एक केस झाली तरी चालेल, अशी प्रतिक्रिया यावेळी शर्मिला ठाकरे यांनी प्रसारमाध्यमांशी बोलताना दिली आहे.
वसई विरारला पाणी पुरवठा करणाऱ्या धरण साठ्यात मुबलक पाणी उपलब्ध असून देखील नागरिकांना पाणी टंचाईचा सामना करावा लागत आहे. त्यामुळे विशेषतः महिला वर्गाला त्रास सहन करावा लागतो आहे. या पाणी प्रश्नावर कायमस्वरुपी तोडगा काढण्याची मागणी महिला वर्गाने केली आहे.
सुर्या प्रकल्पातून अतिरिक्त १६५ एमएलडी पाणी मिळणार आहे. त्यातील ८० एमएलडी आता मिळू शकते. मात्र, नेत्यांना उद्घाटनासाठी वेळ मिळत नसल्याने अतिरिक्त पाणी वितरित होत नाही. त्यामुळे पाणीटंचाईचा नागरिकांना सामना करावा लागत असून याबाबत आक्रमक झालेल्या महाराष्ट्र नवनिर्माण सेनेच्या वतीने शर्मिला ठाकरे यांच्या नेतृत्वात वसई विरार महापालिकेवर भव्य मोर्चा काढण्यात आला.
आंतरवाली सराटीत लाठीचार्ज करण्याचा आदेश देणारा डायर कोण? मनोज जरांगे पाटलांनी सावध राहावं,उद्धव ठाकरेंचं आवाहन
पक्षाच्या कामासाठी माझ्यावर एक केस पडू देत
अविनाश हा वसई विरारकरांच्या पाण्यासाठी लढतोय. आजपासून पाचव्या दिवशी जर नागरिकांना पाणी मिळालं नाही तर अविनाशला पाण्याचा नळ सुरू करण्यासाठी मदत करा. आपण सांगूनही संबंधितांना कळत नसेल तर अविनाशला तुम्ही मदत केलीच पाहिजे. तो तुम्हाला पाणी मिळवून देईल. त्यासाठी मी देखील तुमच्यासोबत आहे. गेल्या १५ ते १६ वर्षात माझ्यावर एकही केस नाहीये. जर तुला आवडत असेल तर तुझ्यासोबत मी येईन. पक्षाच्या कामासाठी माझ्यावर एक केस पडू देत, असं म्हणत अविनाश जाधव यांच्या लढ्यात सोबत असल्याचं शर्मिला ठाकरे यांनी सर्वांसमक्ष सांगितलं.