गडचिरोली: महाराष्ट्र लोकसेवा आयोगामार्फत पशुधन विकास अधिकारी या पदासाठी घेण्यात आलेल्या मुख्य परीक्षेचा निकाल नुकतेच २० ऑक्टोबर रोजी जाहीर झाला आहे. एकाच घरातील सख्ख्या बहीण भावंडांनी यात घवघवीत यश प्राप्त केलं आहे. डॉ. निशिगंधा नैताम आणि डॉ.शुभम नैताम असे त्या बहीण भावाचे नाव असून ते आरमोरी येथील रहिवासी आहेत. गडचिरोली जिल्ह्यातील सख्ख्या बहीण भावाने एकाच वेळी पशुधन विकास अधिकारी होण्याचा बहुमान मिळाल्याने त्यांच्यावर जिल्हाभरातून कौतुकांचा वर्षाव होत आहे.
डॉ.निशिगंधा नैताम आणि डॉ.शुभम नैताम यांचे वडील देविदास सीताराम नैताम हे जवाहरलाल नेहरू महाविद्यालय,जोगीसाखरा (ता.आरमोरी) येथे लिपिक या पदावर कार्यरत आहेत.त्यांना तीन अपत्य असून मोठ्या मुलीचं लग्न झालं आहे.तर, डॉ निशिगंधा नैताम यांनी खासगी कंपनीत नौकरी करताना तर शुभम नैताम यांनी शिक्षण घेताना एमपीएससी परीक्षा पास केली आहे.
डॉ.निशिगंधा नैताम आणि डॉ.शुभम नैताम यांचे वडील देविदास सीताराम नैताम हे जवाहरलाल नेहरू महाविद्यालय,जोगीसाखरा (ता.आरमोरी) येथे लिपिक या पदावर कार्यरत आहेत.त्यांना तीन अपत्य असून मोठ्या मुलीचं लग्न झालं आहे.तर, डॉ निशिगंधा नैताम यांनी खासगी कंपनीत नौकरी करताना तर शुभम नैताम यांनी शिक्षण घेताना एमपीएससी परीक्षा पास केली आहे.
डॉ.निशिगंधा नैताम हिचे प्राथमिक शिक्षण महात्मा गांधी विद्यालय, आरमोरी आणि अकरावी व बारावीचे शिक्षण महात्मा गांधी कनिष्ठ विद्यालय,आरमोरी येथेच झाला. नंतर त्यांनी ग्रॅज्युएशनसाठी नागपूर गाठले व वेटेरीनरी कॉलेज,नागपूर येथे पूर्ण केले.तर, त्यांनी पोस्ट ग्रॅज्युएशन पशुवैद्यकीय व पशुविज्ञान महाविद्यालय, परभणी येथून पूर्ण केले. त्यानंतर २०२०-२१ या कालावधीत त्यांनी वेटेरीनरी ऑफिसर म्हणून गुजरात राज्यात काम केले. २०२१ पासून ते आतापर्यंत त्या कर्नाटक राज्यातील बिदर वेटेरीनरी कॉलेज मध्ये सहाय्यक प्राध्यापक म्हणून काम करत होत्या.
डॉ.निशिगंधा नैताम हिचा भाऊ डॉ. शुभम नैताम यांचा १ ली ते ४ थी पर्यंतचे शिक्षण लिटल फ्लॉवर कॉन्व्हेन्ट,आरमोरी आणि ५ वी ते १० वी पर्यंतचे शिक्षण हितकरणी हायस्कूल,आरमोरी येथेच झालं. अकरावी आणि बारावीचे शिक्षण त्यांनी लालबहादूर शास्त्री कनिष्ठ विद्यालय,भंडारा येथे पूर्ण केला. तर,नागपूर वेटेरीनरी कॉलेज नागपूर येथे त्यांनी ग्रॅज्युएशन केले.पोस्ट ग्रॅज्युएशनचे शिक्षण त्यांनी उत्तर प्रदेश राज्यातील मथुरा येथील पंडित दीनदयाल उपाध्याय गो अनुसंधान विद्यालय, दुवासू येथे पूर्ण केले. त्यानंतर दोघांनी २२ डिसेंबर २०२२ मध्ये एमपीएससी परीक्षा दिली.५ सप्टेंबर २०२३ रोजी मुलाखत झाली आणि त्याचा निकाल २० ऑक्टोबर २०२३ रोजी दुपारच्या सुमारास जाहीर झाला.यात दोघांनाही घवघवित यश मिळालं.
हे भांडतायंत का? विराट कोहली आणि रोहित शर्माचा धरमशालाच्या मैदानावरचा Video व्हायरल, नेमकं काय घडलं
गडचिरोलीतील विद्यार्थी कुठल्याही क्षेत्रात कमी नाहीत. मात्र,त्यांना योग्य दिशा आणि मार्गदर्शन मिळाल्यास ते पुढे जाऊ शकतात.अभ्यासात जिद्द आणि चिकाटी असलं की सगळं काही शक्य आहे.प्रामाणिकपणे प्रयत्न केल्यास नक्कीच यश संपादन करता येईल. त्यामुळे आपल्याला ज्या क्षेत्रात आवड आहे. त्या क्षेत्रात सातत्याने प्रयत्न करून पुढे जावं, असं डॉ.निशिगंधा देविदास नैताम यांनी म्हटलं आहे.
सिराजवर बीसीसीआय करू शकते कडक कारवाई, कॅच सुटल्यावर कोणाला दोषी ठरवले जाणून घ्या…
Read Latest Maharashtra News And Marathi News