म. टा. प्रतिनिधी, छत्रपती संभाजीनगर : मराठवाडा दुष्काळाच्या छायेत असून मागील नऊ महिन्यात १६५५ शेतकऱ्यांनी आत्महत्या केल्या आहेत. राज्य सरकारने जाहीर केलेली अतिवृष्टीची नुकसानभरपाई, शेतकरी सन्मान योजनेची मदत शेतकऱ्यांना मिळाली नाही. कर्नाटकप्रमाणे महाराष्ट्रातही दुष्काळ जाहीर करुन शेतकऱ्यांना हेक्टरी २५ हजार रुपये मदत करण्याची गरज आहे. पण, तीन टग्यांचे सरकार जातीपातीत भांडणे लावून सत्तेची मजा लुटत आहे, अशी टीका विरोधी पक्ष नेते विजय वडेट्टीवार यांनी शुक्रवारी पत्रकार परिषदेत केली.
भटके विमुक्त कृती समितीने भटके विमुक्त प्रवर्गातील घुसखोरीच्या प्रश्नावर आयोजित केलेल्या बैठकीला विजय वडेट्टीवार यांची प्रमुख उपस्थिती होती. या बैठकीपूर्वी त्यांनी विभागीय आयुक्तांसोबतच्या बैठकीत मराठवाडा विभागातील दुष्काळी परिस्थितीचा आढावा घेतला. वडेट्टीवार यांनी प्रसारमाध्यमांशी बोलताना राज्य सरकारवर जोरदार टीका करीत दुष्काळ जाहीर करण्याची मागणी केली. ‘छत्रपती शिवाजी महाराज शेतकरी कर्जमुक्ती योजना’ लागू करण्यात आली होती. पालकमंत्री आणि जिल्हाधिकाऱ्यांचे पत्र असूनही २५ टक्के शेतकऱ्यांची कर्जमुक्ती झाली नाही. अनेकांवर चक्रवाढव्याज लावून जप्तीची कारवाई करण्यात आली.अन्यथा, उपोषणाला बसणार
भटके विमुक्त कृती समितीने भटके विमुक्त प्रवर्गातील घुसखोरीच्या प्रश्नावर आयोजित केलेल्या बैठकीला विजय वडेट्टीवार यांची प्रमुख उपस्थिती होती. या बैठकीपूर्वी त्यांनी विभागीय आयुक्तांसोबतच्या बैठकीत मराठवाडा विभागातील दुष्काळी परिस्थितीचा आढावा घेतला. वडेट्टीवार यांनी प्रसारमाध्यमांशी बोलताना राज्य सरकारवर जोरदार टीका करीत दुष्काळ जाहीर करण्याची मागणी केली. ‘छत्रपती शिवाजी महाराज शेतकरी कर्जमुक्ती योजना’ लागू करण्यात आली होती. पालकमंत्री आणि जिल्हाधिकाऱ्यांचे पत्र असूनही २५ टक्के शेतकऱ्यांची कर्जमुक्ती झाली नाही. अनेकांवर चक्रवाढव्याज लावून जप्तीची कारवाई करण्यात आली.
मागील वर्षी अतिवृष्टीमुळे चार लाख ७१ हजार हेक्टरवरील पिके उद्ध्वस्त झाली होती. सरकारने घोषणा करुनही फक्त एक लाख २५ हजार एकरसाठीच मदत देण्यात आली. मराठवाड्यात पिण्याच्या पाण्याचा प्रश्न गंभीर आहे. मोठ्या धरणात ३८ टक्के आणि मध्यम प्रकल्पात २२ टक्के पाणीसाठा आहे. या गंभीर परिस्थितीत सरकारने तातडीने पावले उचलून उपाययोजना करण्याची गरज आहे’, असे वडेट्टीवार म्हणाले.
सत्ताधारी पक्षाचा आमदार उपमुख्यमंत्र्यांना लांडगा म्हणतो, तर कुणी कावळा म्हणतो. सत्ताधारी जनावरांचाही अपमान करीत आहेत. लांडगा इमानीची शिकार खात असतो. बेइमानीची शिकार खाणाऱ्यांच्या हातात दिलेले राज्य कुठे जाईल, अशी टीका वडेट्टीवार यांनी केली.
आरक्षणाच्या नावावर भाजपने २०१५ पासून वेगवेगळ्या समाजाची फसवणूक केली आहे. धनगर, मराठा आरक्षण देण्याचा राज्य सरकारला अधिकार नाही. शैक्षणिक आणि सामाजिक मागासलेपण सिद्ध झाले तर आरक्षण देण्याची तरतूद आहे. खोटे बोलून भाजपने मराठा आरक्षण लागू केले होते, असं विजय वडेट्टीवार म्हणाले.
आजची परिस्थिती पाहता राज्यात भाजपला ४० जागासुद्धा मिळणार नाहीत. वेगवेगळे समाज एकमेकांत झुंजविण्याचे काम भाजप करीत आहे. सरकारकडे निधी नसल्यामुळे मराठवाड्यासाठी जाहीर केलेले पॅकेज फसवे आहे. आधी ४० चोर सत्तेत घुसले होते. आणखी ४० चोर घुसून ८० चोर राज्याची तिजोरी लुटण्याचे काम करीत आहे, अशी टीका वडेट्टीवार यांनी केली.
अन्यथा, उपोषणाला बसणार
भटके विमुक्त कृती समितीच्या बैठकीला विजय वडेट्टीवार, आमदार राजेश राठोड आणि माजी खासदार हरिभाऊ राठोड यांची प्रमुख उपस्थिती होती. भटक्या विमुक्त प्रवर्गातील घुसखोरीबद्दल अरुण चव्हाण, सुशीला मोराळे, राजपाल राठोड यांच्यासह मान्यवरांनी मते मांडली. ‘बंजारा समाजाच्या आरक्षणातील घुसखोरीच्या मुद्यावर विशेष चौकशी पथक नेमण्यात आले होते. ते पूर्ववत करुन वस्तुस्थिती समोर आणावी. अनुसूचित प्रवर्गाचे आरक्षण सात टक्के असताना त्यात कुणाच्या वाट्याला किती आरक्षण येईल याचाही विचार व्हावा.
Chandrayaan 3 :विक्रम लँडर अन् प्रज्ञान रोवरशी संपर्क करण्याचे प्रयत्न सुरु, इस्त्रोनं दिलेली अपडेट नेमकी काय?
बंजारा समाजाची ‘एसटी’ प्रवर्गातील समावेशाची मागणी लावून धरण्यात येईल. राजपूत समाजाने भामटा शब्द लावून आरक्षणात घुसखोरी केली. तांड्यावर राहणाऱ्या बंजारा समाजाचा हिस्सा घेऊ नका. अन्यथा, बंजारा समाजाच्या हक्कांसाठी छत्रपती संभाजीनगर येथे मी उपोषणाला बसणार आहे, असे वडेट्टीवार म्हणाले.
वर्ल्डकपच्या आधी सूर्यकुमार चमकला; WCच्या रंगीत तालमीत भारताचा धडाकेबाज विजय; ऑस्ट्रेलियाची दाणादाण उडाली