‘राज्यकर्त्यांकडून ओबीसींच्या मागण्यांकडे सातत्याने दुर्लक्ष केले जात आहे. चंद्रपूर येथे रवींद्र टोंगे यांचे उपोषण सुरू असताना त्याचीही दखल घेतलेली नाही. सरकारने मागण्यांची दखल घ्यावी, यासाठी जंगी मोर्चा काढला. तीन दिवस झाले कुठलाही ठोस निर्णय कळवलेला नाही. त्यामुळे आणखी चार-पाच दिवस प्रतीक्षा करून पुढच्या आठवड्यात बेमुदत उपोषण केले जाईल’, असेही डॉ. बबनराव तायवाडे यांनी सांगितले.

बुधवारी अकराव्या दिवशी २३ जणांनी उपोषण केले. यात रमेश नाईक, गणेश नाखले, राजेश ढेंगे, नाना सातपुते, गेमराज गोमासे, नीलेश कोढे, शरद वानखेडे, डॉ. अरुण वराडे, दौलत शास्त्री, रमेश राऊत, केशव राऊत, गजानन दांडेकर, शकील पटेल यांचा समावेश होता. सरकार मागण्यांना प्रतिसाद देईल, अशी ग्वाही भाजप ओबीसी मोर्चाचे प्रभारी डॉ. आशिष देशमुख यांनी दिली. काँग्रेसचे प्रवक्ते अतुल लोंढे यांनीही ओबीसींच्या मागण्यांना पाठिंबा जाहीर केला. मराठा समाजास स्वतंत्र आरक्षण द्यावे, अन्यथा तीव्र लढा उभारल्यास कठीण जाईल, असा इशाराही लोंढे यांनी दिला. उपोषणास डॉ. बाबासाहेब आंबेडकर असोसिएशनने पाठिंबा दिला. यावेळी डॉ. विनोद गावंडे, कल्पना मानकर, नयना झाडे, रवी वानखेडे, शुभम वाघमारे, विनोद हजारे, राजेश काकडे, सुभाष घाटे, परमेश्वर राऊत, नाना झोडे, गणेश हांडे, गणेश गडेकर, साधना पाटील, हेमंत गावंडे, सुरेश वर्षे, अरुण वनकर, विकास गौर आदी उपस्थित होते.
राहुल गांधींचं महिला आरक्षणाला समर्थन,ओबीसी आरक्षण,जातनिहाय जनगणनेवरुन भाजपला थेट सवाल, म्हणाले…
फूट पडल्याचा इन्कार

कृती समितीतून पुरुषोत्तम शहाणे आणि अवंतिका लेकुरवाळे बाहेर पडले असल्याची चर्चा रंगली. लेकुरवाळे यांनी याचा इन्कार केला. आंदोलनास कृती समितीचा पूर्ण पाठिंबा आहे. अन्य आंदोलनामुळे बुधवारी जाता आले नाही. गुरुवारी उपोषणात सहभागी होणार असल्याचे त्यांनी सांगितले. कृती समितीने आंदोलन स्थगित केले तरी, महासंघाने उपोषण निर्णयापर्यंत रेटण्याचा निर्णय घेतला. सर्व घटकांचे समर्थन वाढत आहे. कुणी या आंदोलनातून बाहेर पडल्यास आमच्यावर काहीही परिणाम होणार नाही, असे डॉ. बबनराव तायवाडे म्हणाले.