मुंबई : IRCTC च्या (इंडियन रेल्वे केटरिंग अँड टुरिझम कॉर्पोरेशन) वेबसाईटद्वारे आता एसटी महामंडळाच्या बसचेही तिकीट आरक्षित करता येणार आहे. महाराष्ट्र राज्य मार्ग परिवहन महामंडळाची ऑनलाईन बस बुकिंग सेवा सक्षम करण्यासाठी सामंजस्य करारावर स्वाक्षरी केल्याची घोषणा आयआरसीटीसीने केली आहे. https://www.bus.irctc.co.in या वेबसाईटवर नजीकच्या काळात एसटी बसचे तिकीट बूकिंग करता येईल.
आयआरसीटीसी आणि एसटी महामंडळ यांच्यातील सामंजस्य करारावर स्वाक्षरी झाल्याने प्रवाशांना त्यांच्या प्रवासाची व्यवस्था एकाच ठिकाणी आणि सुलभ पद्धतीने होणार आहे. या एकत्रीकरणामुळे प्रवाशांना सुरळीत प्रवासाची निश्चिंती मिळेल, असे आयआरसीटीसीच्या सीएमडी सीमा कुमार यांनी सांगितले.
Mumbai Traffic : मुंबईत वाहतुकीची कोंडी फुटणार, वेळही वाचणार; दोन एक्स्प्रेस वेला जोडणाऱ्या लिंक रोडला मंजुरी!
ऑगस्ट महिन्यात मुख्यमंत्री एकनाथ शिंदे यांच्या उपस्थितीत आयआरसीटीसीच्या सीएमडी आणि परिवहन विभागाचे प्रधान सचिव यांच्यात सामंजस्य करार झाला.
IRCTC च्या वापरकर्त्यांसाठी प्रवास अधिक आरामदायी आणि सोयीस्कर बनवण्यासाठी आम्ही सतत प्रयत्नशील आहोत. या सामंजस्य करारामुळे रेल्वे, बस, हवाई, जल वाहतूक यासोबत निवास व्यवस्थेसारख्या सर्व पैलूंचे नियोजन करण्यात यश येईल.