पुणे : बहिणीला सतत त्रास देतो म्हणून मेहुण्याने दाजीचा डोक्यात लोखंडी रॉड घालून खून केल्याचा धक्कादायक प्रकार बाणेर इथे सकाळी १० च्या सुमारास घडला आहे. त्यानंतर मेहुण्याने त्याच्या बहिणीला फोन करून सांगितलं की “मी तुमचं सगळं दुःख दूर केलं आहे आणि मी पण जात आहे. तुम्ही आता स्वतःला सांभाळ” यानंतर त्याच घरात स्वतःला सीलिंग फॅनला लटकून फाशी घेतली. या प्रकरणी पीडित महिलेने पोलीस ठाण्यात तक्रार दिली. पोलिसांनी घटनास्थळी पाहणी केल्यानंतर हा सगळा प्रकार उघडकीस आला आहे.
पोलिसांनी दिलेल्या महितीनुसार, धनंजय साडेकर आणि सोनाली साडेकर यांच्या लग्नाला १० वर्ष झाले होते. ते दोघे आणि दोन मुली असा संसार त्यांचा होता. धनंजय साडेकर याचा रिक्षा चालकाचा व्यवसाय होता. तर सोनाली साडेकर हे घर सांभाळत होती. मात्र, दोघांमध्ये कधी पटत नव्हतं. धनंजय साडेकर याला दारू पिण्याचे व्यसन होते. त्यामुळे दोघांमध्ये सतत वाद होत असे.
सुरवातीला साडेकर हे आपल्या बायकोच्या माहेरी सदाशिव पेट परिसरात राहत होते. मात्र, घरात सतत होत असलेल्या भांडणामुळे ते बाणेर इथे राहण्यासाठी गेले. बाणेर येथे राहण्यासाठी गेले असताना भांडणं काही थांबत नव्हती. नवऱ्याला दारू पिण्याच्या व्यसनामुळे आर्थिक परिस्थिती बिकट होती. या सगळ्या गोष्टी सोनाली ही त्याच्या भाऊ हेमंत रत्नाकर याला सांगत होती. अनेकवेळा आर्थिक परिस्थितीतून हेमंत रत्नाकर याने मदत केली होती. मात्र, दाजीचं दारूचं वेसण सुटत नव्हतं. याचा राग हेमंत प्रचंड होता.
‘कुठे चाललास रे’ असं विचारताच तरुण भडकला, रागाच्या भरात असं काही केलं की अख्खं पुणे हादरलं…
दोन दिवसापूर्वी सोनाली साडेकर हिला डोळ्याचा आजार झाल्यामुळे ती आपल्या माहेरी राहण्यास आली होती. म्हणून या संधीचा फायदा घेत आज सकाळी हेमंत रत्नाकर हा बाणेर इथे निवासस्थानी जाऊन धनंजय साडेकर याचा लोखंडी रॉड डोक्यात घालून खून केला. तिथूनच आपल्या बहिणीला फोन केला आणि म्हणाला “मी तुमचं सगळं दुःख दूर केलं आहे, आणि मी पण जात आहे, तुम्ही आता स्वतःला सांभाळ” आणि त्याच घरात स्वतःला सीलिंग फॅनला लटकून फाशी घेतली.