राज ऊर्फ बबल्या भारत रणपिसे (वय २२, रा. गुरसाळे, ता. पंढरपूर ,जि सोलापूर) याने दारूच्या नशेत असे कृत्य केल्याची बाब पोलीस तपासात समोर आली आहे. अपघात घडवून आणण्याच्या उद्देशाने हे कृत्य केले होते. राज ऊर्फ बबल्याच्या घरात भांडण झाले होते. बबल्याने रागाच्या भरात दारू प्राशन करून हे कृत्य केले. दारू पिऊन २५ ऑगस्ट रोजी मोडनिंब-पंढरपूर रेल्वे मार्गावर दगड ठेवून रेल्वेचा अपघात घडवून आणण्याच्या उद्देशाने हे कृत्य केल्याचे पोलीस तपासात निष्पन्न झाले. आरपीएफ पोलिसांनी पुढील तपासासाठी टेम्भुर्णी पोलिसांकडे वर्ग केले आहे. करमाळा येथील न्यायालयात हजर करून पुढील कारवाई होणार आहे.