लढणारे मेले तर लढणार कोण? सत्ता हातात घ्या आणि आपले प्रश्न सोडवा, वंचितचा मराठा आरक्षणाला पाठिंबा: प्रकाश आंबेडकर

सकाळपासूनच दीपक केसरकर यांच्या निवासस्थानासमोर पोलिसांकडून कडेकोट बंदोबस्त लावण्यात आला होता. पोलीसही आंदोलनकर्त्यांवर लक्ष ठेऊन होते. उद्धव ठाकरे शिवसेनेचे युवा नेते गवळी तिठा परिसरातून आंदोलनकर्ते चालत दीपक केसरकर यांच्या निवासस्थानासमोर येण्याच्या प्रयत्नात असतानाच पोलिसांनी आंदोलनकर्त्यांना ताब्यात घेतले. यावेळी केसरकर यांच्याविरोधात जोरदार घोषणाबाजी करण्यात आली.

‘शिक्षक भरती करा, अन्यथा पदाचा राजीनामा द्यावा, अशी मागणी यावेळी आंदोलकांनी लावून धरली. केसरकर हे शिक्षण मंत्री म्हणून अपयशी ठरले आहेत. त्यामुळे त्यांनी आपली जबाबदारी ओळखून राजीनामा द्यावा, अशी मागणी आंदोलकांकडून करण्यात आली. केसरकर हे सावंतवाडीचे आमदार आहेत. परंतु ते कोल्हापूर आणि मुंबईत पालकमंत्री म्हणून तिकडेच फिरत आहेत. त्यांचं आपल्या मतदारसंघाकडे लक्ष नाही. आपण शिक्षणमंत्री आहोत, याचा त्यांना विसर पडला आहे. त्यामुळे ते गेली अनेक महिने मागणी असून सुद्धा बेरोजगारांच्या प्रश्नाकडे लक्ष देत नाहीत,’ असा घणाघात आंदोलकांकडून करण्यात आला आहे.