सोनिया गांधी, राहुल गांधी, लालूप्रसाद यादव, नितीशकुमार, ममता बॅनर्जी, फारुख अब्दुल्ला, तेजस्वी यादव असे देशभरातील अनेक दिग्गज नेते मुंबईत आले होते. या वेळी बैठका, चर्चासत्रे यांच्या निमित्ताने या नेत्यांनी देशातील एकूण राजकारणावर सखोल चर्चा केली. आगामी लोकसभा निवडणुकीमध्ये प्रामुख्याने भाजप आणि नरेंद्र मोदी यांना कसे सत्तेबाहेर ठेवता येईल हाच या वेळच्या चर्चेचा गाभा राहिला. मात्र याबरोबरच माजी मुख्यमंत्री आणि शिवसेना उद्धव बाळासाहेब ठाकरे पक्षाचे प्रमुख उद्धव ठाकरे हे कसे महाराष्ट्रात भाजपला विरोध करीत आहेत, त्यांचा कसा ताकदीने मुकाबला करीत आहेत याविषयी यातील बहुसंख्य नेत्यांनी उद्धव ठाकरे यांचे तोंडभरून कौतुक केल्याचे समजते.

Sharad Pawar : शरद पवारांचा आक्रमक बाणा; इंडियाच्या बैठकीतूनच अजित पवार गटाला अप्रत्यक्ष इशारा, म्हणाले…
उद्धव ठाकरेंबद्दल उत्सुकता

केंद्रातील सरकारकडून ईडी, सीबीआयसारख्या तपास यंत्रणांच्या माध्यमातून ससेमिरा मागे लावला जात असतानाही त्याची कोणतीच भीती न बाळगता उद्धव ठाकरे सातत्याने पंतप्रधान नरेंद्र मोदी तसेच गृहमंत्री अमित शहा यांच्या कार्यपद्धतीवर टीका करीत आहेत. याविषयी ममता बॅनर्जी, राहुल गांधी आणि तेजस्वी प्रताप यादव यांनी उद्धव ठाकरे यांचे कौतुक केल्याचे समजते. उद्धव ठाकरे यांच्याशी बोलताना या नेत्यांना त्यांच्याविषयी बरीच उत्सुकता असल्याचेही त्यांच्या देखरेखीसाठी असलेल्या राज्यातील महाविकास आघाडीमधील दुसऱ्या फळीतील नेत्यांनी अनुभवले.