म. टा. विशेष प्रतिनिधी, मुंबई: महापालिकेच्या रस्ते आणि वाहतूक विभागाच्या वतीने चांदिवली येथील ९० फूट रस्त्याच्या कामाला लवकरच सुरुवात होणार आहे. या रस्त्याचे काम पूर्ण झाल्यानंतर चांदिवली येथून पवईला जाणाऱ्या खैरानी मार्गापर्यंतची वाहतूककोंडी कमी होण्यास मदत होणार आहे. या कामाची निविदाप्रक्रिया सुरू करण्यात आली आहे.
चांदिवली येथील विकास आराखड्यातील प्रस्तावित ९० फूट रस्ता हा चांदिवली फार्म मार्ग आणि जोगेश्वरी-विक्रोळी मार्ग यांना जोडणारा रस्ता आहे. या रस्त्याचे काम सुरू करण्याची मागणी नागरिकांकडून सातत्याने केली जात होती. पालिका आयुक्त व प्रशासक इक्बालसिंह चहल यांच्या निर्देशानुसार अतिरिक्त पालिका आयुक्त (प्रकल्प) पी. वेलरासू यांनी संबंधित अधिकाऱ्यांसोबत बैठक घेतली. या प्रस्तावित रस्त्याची माहिती घेऊन रस्ते आणि वाहतूक विभागाला तत्काळ काम सुरू करण्याच्या सूचना वेलरासू यांनी दिल्या आहेत. त्यानुसार रस्ते आणि वाहतूक विभागाकडून या कामासाठीच्या जागेची मोजणी करून आवश्यक त्या तांत्रिक बाबी पूर्ण करण्यात आल्या आहेत.पालिकेकडून ८१५ नोटिसा
चांदिवली येथील विकास आराखड्यातील प्रस्तावित ९० फूट रस्ता हा चांदिवली फार्म मार्ग आणि जोगेश्वरी-विक्रोळी मार्ग यांना जोडणारा रस्ता आहे. या रस्त्याचे काम सुरू करण्याची मागणी नागरिकांकडून सातत्याने केली जात होती. पालिका आयुक्त व प्रशासक इक्बालसिंह चहल यांच्या निर्देशानुसार अतिरिक्त पालिका आयुक्त (प्रकल्प) पी. वेलरासू यांनी संबंधित अधिकाऱ्यांसोबत बैठक घेतली. या प्रस्तावित रस्त्याची माहिती घेऊन रस्ते आणि वाहतूक विभागाला तत्काळ काम सुरू करण्याच्या सूचना वेलरासू यांनी दिल्या आहेत. त्यानुसार रस्ते आणि वाहतूक विभागाकडून या कामासाठीच्या जागेची मोजणी करून आवश्यक त्या तांत्रिक बाबी पूर्ण करण्यात आल्या आहेत.
Thane News: ठाण्यातील पार्किंग समस्येवर उतारा, अंतर्गत रस्त्यांवर आता हा फॉर्म्युला वापरणार
तांत्रिक बाबी पूर्ण झाल्यानंतर या कामासाठी निविदाप्रक्रिया सुरू करण्यात आली आहे. चांदिवलीतील या प्रस्तावित रस्त्याची लांबी ८०० मीटर तर रुंदी २७ मीटर असेल. या रस्त्यामुळे चांदिवली विभागातील नागरिकांना वाहतुकीसाठी पर्यायी मार्ग मिळणार आहे. हे काम दोन टप्प्यांत पूर्ण करण्यात येणार आहे. पहिल्या टप्प्यात नाहार येथील जागेवरील आणि दुसऱ्या टप्प्यात शिपिंग कॉर्पोरेशन ऑफ इंडियाची मालकी असलेल्या जागेवरील रस्त्याचे काम करण्यात येणार आहे. चांदिवली फार्म आणि विकास आराखड्यातील या दोन मार्गांचे काम पूर्ण झाल्यानंतर वाहतूककोंडी कमी होणार आहे. त्यामुळे कुर्ला एल आणि भांडुप एस विभागातील नागरिकांना दिलासा मिळणार आहे, असा विश्वास उप प्रमुख अभियंता (रस्ते) संजय सोनवणे यांनी व्यक्त केला आहे.
Mumbai Traffic: मुंबईकरांचा प्रवास सुस्साट: वेस्टर्न एक्स्प्रेस वेवरील वाहतूक कोंडी फुटणार, असा असेल नवा पूलपालिकेकडून ८१५ नोटिसा
रस्ता होणाऱ्या चांदिवलीतील प्रस्तावित जागेवरील सुमारे ८० ते ९० बांधकामे बाधित होणार आहेत. या रस्त्याच्या बाजूच्या खासगी आणि रस्ता होणाऱ्या जागेवरील बाधित बांधकामे हटविण्यासाठी पालिकेकडून ८१५ नोटिसा पाठविण्यात आल्या आहेत. तसेच केंद्र सरकारच्या शिपिंग कॉर्पोरेशन ऑफ इंडियाकडून चांदिवलीतील जागा हस्तांतरित करण्याची प्रक्रिया सुरू आहे. जागा हस्तांतरित झाल्यानंतर आणि या जागेवरील बाधित बांधकामे हटविल्यानंतर प्रस्तावित रस्त्याच्या कामाला सुरुवात होणार आहे. ही जागा हस्तांतरित करण्याची प्रक्रियाही जलद गतीने सुरू आहे, अशी माहिती उपायुक्त (पायाभूत सुविधा) उल्हास महाले यांनी दिली.