नाशिक : अंबड येथील शिवाजी चौकात टोळक्याने पाठलाग करून काल ऐका तरुणावर प्राणघातक हल्ला केला या हल्ल्यात संदीपचा मृत्यू झाला. हा सर्व प्रकार सीसीटीव्हीमध्ये कैद झाला असून अंबडमध्ये गुन्हेगारीने कळस गाठल्याचे या प्रकारातून निदर्शनास येत आहे. इंस्टाग्रामवर मारहाणीचा व्हिडिओ व्हायरल केल्याने हा वाद झाला होता आणि यातूनच संदीपचा खून झाला. काय आहे हा प्रकार बघूयात…
इंस्टाग्रामवर हा व्हिडिओ मृत संदीपने व्हायरल केला होता. काही दिवसांपूर्वी संदीपने ओम पवार उर्फ ओम्या खटकी या तरुणाला मारहाण केली होती. हॉटेलमध्येही मारहाण झाली होती आणि या मारहाणीचा व्हिडिओ संदीपने इन्स्टाग्रामवर टाकला होता. याचाच राग ओम पवार उर्फ ओम्या खटकी याला आला होता. त्याने संदीपचा काटा काढण्याचं ठरवलं आणि काल सायंकाळी अंबडच्या शिवाजी चौकात संदीप पाणीपुरी खात असताना ओम्या व त्याचे साथीदार शिवाजी चौकात आले. अवघ्या काही सेकंदात संदीपवर सपासप वार केले. या हल्ल्यानंतर संदीप गतप्राण झाला. एवढ्यावरच हा ओम्या खटकी थांबला नसून त्याला मारल्यानंतर त्याने इन्स्टाग्रामवर लाईव्ह करत उत्तर दिले.
इंस्टाग्रामवर हा व्हिडिओ मृत संदीपने व्हायरल केला होता. काही दिवसांपूर्वी संदीपने ओम पवार उर्फ ओम्या खटकी या तरुणाला मारहाण केली होती. हॉटेलमध्येही मारहाण झाली होती आणि या मारहाणीचा व्हिडिओ संदीपने इन्स्टाग्रामवर टाकला होता. याचाच राग ओम पवार उर्फ ओम्या खटकी याला आला होता. त्याने संदीपचा काटा काढण्याचं ठरवलं आणि काल सायंकाळी अंबडच्या शिवाजी चौकात संदीप पाणीपुरी खात असताना ओम्या व त्याचे साथीदार शिवाजी चौकात आले. अवघ्या काही सेकंदात संदीपवर सपासप वार केले. या हल्ल्यानंतर संदीप गतप्राण झाला. एवढ्यावरच हा ओम्या खटकी थांबला नसून त्याला मारल्यानंतर त्याने इन्स्टाग्रामवर लाईव्ह करत उत्तर दिले.
फक्त इंस्टाग्रामवर मारहाणीचा व्हिडिओ टाकल्याने संदीपचा खून झाला. पूर्ववैमान्यातून हा खून झाला असला तरी अंबड परिसरातील गुन्हेगारीवर पुन्हा एकदा प्रश्नचिन्ह निर्माण झाले. या महिन्यातील अंबड परिसरातील हा चौथा खून आहे. यामुळे नाशिकमधील कायदा सुव्यवस्था धाब्यावर टांगली गेली का? पोलिसांचं या ठिकाणी लक्ष नाही आहे का? असा प्रश्न उपस्थित केला जात आहे.
या घटनेनंतर संदीपच्या नातेवाईकांनी जोपर्यंत हल्लेखोरांना अटक करत नाही, तोपर्यंत मृतदेह ताब्यात घेणार नाही अशी भूमिका घेतली होती. मात्र, पोलिसांनी मध्यस्ती करत नातेवाईकांची समजूत काढली आणि अवघ्या काही तासांत खून प्रकरणी पाच संशयितांना तात्काळ अटक केली. यात एक अल्पवयीन मुलाचा देखील समावेश आहे.
Crime News : आईने दीड लाखांसाठी केली भयंकर डील, पोटच्या लेकीला हॉटेलमध्ये नेलं अन्…
एकूणच संदीप यांनी खटक्याला मारहाण करतानाच चित्रीकरण केले होते आणि त्याचा व्हिडिओ इन्स्टाग्रामवर अपलोड केला होता. त्याचाच राग मनात धरून काल संदीपवर हल्ला करून त्याची हत्या करण्यात आली. नाशिकमध्ये सर्रासपने हत्याराचा वापर होत असून भर रस्त्यात नाशिकमध्ये लोकांच्या समोर हत्येच्या लागोपाठ ३ घटना झाल्याने नाशिकरांमध्ये भीतीचे वातावरण निर्माण झालं आहे. या गुन्हेगारीवर पोलिसांची भिस्त राहिली नाही आहे का? असा प्रश्न उपस्थित होत आहे.
लग्नासाठी उतावळा पण आईने नवरीच शोधली नाही, रागात तरुणाने चक्क जन्मदातीचे हात अन् पाय…