छत्रपती संभाजीनगर : जिल्ह्यातील कन्नड तालुक्यातील जेवखेडा शिवारात असलेल्या शेतकऱ्याच्या शेतात पोलिसांनी टाकलेल्या धाडीत गांजाची शेती केली जात असल्याचे समोर आले आहे. शेतकऱ्याच्या शेतातून २४ हजार ७७१ किमतीची ५ ते १० फुटाची १८ झाडे आढळून आली. पोलिसांनी गुन्हा दाखल करून आरोपीला अटक केली आहे.
कर्जाचे हफ्ते थकले; पैशासाठी तरुणांनी लढवली शक्कल, लुटण्यासाठी सराफा दुकानात शिरले मात्र…
या प्रकरणी पोलिसांनी दिलेल्या माहितीनुसार, रामदास अबाराव भगडे (वय ७७) असे स्वतःच्या आर्थिक फायद्यासाठी शेतात गांजाची शेती करणाऱ्या शेतकऱ्याचे नाव आहे. दरम्यान कन्नड तालुक्यातील देवखेडा शिवारात असलेल्या रामदास यांच्या शेतामध्ये अवैध पद्धतीने गांजाची शेती करत असल्याची माहिती पोलीस निरीक्षक कोमल शिंदे यांना मिळाली.
पावसाचा ऑगस्टमध्ये ब्रेक, मराठवाड्यातील जिल्ह्यांमध्ये मोठी तूट, टेन्शन वाढवणारी आकडेवारी समोर
दरम्यान, मिळालेल्या माहितीची खात्री करून पोलीस निरीक्षक कोमल शिंदे यांनी पथक तयार केले. दारूबंदी पथकाचे पोलीस निरीक्षक सखाराम डहाके यांच्या मार्गदर्शनाखाली पथकात पोलीस अमालादर परमेश्वर दराडे, सुनील भिवसने, गजानन कराड, लालचंद नागलगोत, पवन खामट, सतीश देसाई, संजय लगड, कडूबा मस्के यांनी गट नंबर ९७ येथील भगाडे यांच्या शेतामध्ये धाड टाकली. यावेळी शेतामध्ये गांजाची झाडे आढळून आली.

चिमुकल्यांच्या जीवाशी क्रूर खेळ; सापांचा धोका, तरी १२ महिने शाळेसाठी सडक्या थर्माकोलवरून प्रवास

दरम्यान, कन्नड तालुक्यातील एका शेतकऱ्याने शेतामध्ये गांजाची शेती करत असल्याचे उघड झाल्यानंतर परिसरामध्ये एकच खळब उडाली आहे. घटनेनंतर पोलिसांनी सर्व मुद्देमात जप्त केला. पुढील कारवाई पोलीस करीत आहेत.