ते म्हणाले की, यावर काय भाष्य करावं, कसं करावं, जे भ्रष्ट आहेत त्यांना असं बोलावं लागतं. सुधीर मुनगंटीवार यांनी राऊत यांच्यावर निशाणा साधत, अशा लोकांपासून आम्हाला धोका आहे. ही व्यक्तिमत्त्वे लोकशाही आणि देशासाठी धोकादायक आहेत. शिवाय, उद्या जेव्हा तुम्ही तुमच्या माता-बहिनींना रस्त्याने जाताना असे फ्लाइंग किस करेल तेव्हा तुम्हाला कसे वाटेल? देशाच्या प्रेमासाठी केलंय असं म्हटलं तर चालेल काय? तुम्ही त्याचे समर्थन कसे कराल? काही लाज लज्जा आहे की नाही? मुनगंटीवार पुढे म्हणाले की, “विधानसभा आणि लोकसभेच्या काही प्रथा परंपरा आहेत. इथे तुम्हाला हवे ते करू शकत नाही. राहुल गांधीचे हे असभ्य कृत्य आहे. मोदीजी पुन्हा निवडून यावेत म्हणून राहुल गांधींनी हे कृत्य केले आहे. राहुल यांच्या तोंडात वेगळं आणि पोटात वेगळं काही आहे. फक्त मोदीजी जिंकावेत, अशी त्यांची आतून इच्छा आहे.

मुनगंटीवार पुढे म्हणाले की, जेव्हा कोणी सत्तेचा भुकेला असतो, तेव्हा तो नीच शब्द वापरतो आणि संस्कारही विसरतो. देशाचा पंतप्रधान होण्याची स्वप्ने पाहणारा आणि मनमोहन सिंग यांच्यासमोर कायद्याची पाने फाडणारा नेता कधी डोळा मारतो तर कधी मिठी मारतो. असे कृत्य करू नये. हे महाविद्यालयीन विद्यार्थ्यांनाही माहीत आहे. असे काम करून राहुल यांनी जगासमोर देशाचे नाव आणि मान खाली आणली आहे. सुधीर मुनगंटीवार म्हणाले की, राहुल गांधींनी दिलेले ‘फ्लाइंग किस’ निवडणुकीत त्यांना फक्त फ्लाइंग बघायला मिळेल.