अजिंक्य जयवंत राऊत (वय ५५) हे सोलापुरातील प्रसिद्ध असे हॉटेल व्यावसायिक होते. शहरातील लेडी डफरीन (इंदिरा गांधी) चौक ते जुन्या एम्प्लॉयमेंट चौकादरम्यान असलेल्या प्रसिद्ध हॉटेल ध्रुवचे अजिंक्य राऊत हे मालक होते. त्यांचे वडील दिवंगत डॉ. जयवंत राऊत हे सोलापूर शहरातील निष्णात शल्यविशारद होते.
अधिकाऱ्याच्या लेकाकडून विठ्ठलाची पूजा, वारकरी आक्रमक होताच दिलगिरी, व्हिडिओ व्हायरल कसा झाला, नेमकं काय घडतंय?
अनेक दिवसांपासून होते आजारी

अजिंक्य राऊत हे प्रतिष्ठित आणि श्रीमंत घराण्यातील होते. राऊत यांचा मोठा मित्र परिवार होता. सोलापूर शहर आणि जिल्ह्यातील अनेक राजकीय नेते, सामाजिक कार्यकर्ते, सिनेनाट्य कलावंत, मोठ्या उद्योजकांशी अजिंक्य राऊत यांचे घनिष्ट संबंध होते. मात्र अलिकडे राऊत हे अनेक दिवसांपासून आजारी होते. त्यांच्यावर सोलापूर शहरातील खासगी रुग्णालयात वैद्यकीय उपचार सुरू होते.

गोळीचा आवाज येताच पत्नी धावली

अजिंक्य राऊत यांनी गुरुवारी दुपारी विजापूर रस्त्यावरील इंदिरा नगरमध्ये आपल्या निवासस्थानी रिव्हॉल्व्हरने स्वतःवर गोळी झाडली. त्यावेळी घरात दुसऱ्या खोलीत असलेल्या त्यांच्या पत्नी धावून आल्या. त्यांनी शेजारांच्या मदतीने रुग्णवाहिका मागवून पती अजिंक्य यांना एका खासगी रुग्णालयात दाखल केले. परंतु उपचारापूर्वीच त्यांचा मृत्यू झाला. विजापूर नाका पोलीस या घटनेचा तपास करत आहेत.