नागपूर : दुहेरी हत्याकांडाचा सूत्रधार व नेमबाज ओंकार महेंद्र तलमले (वय २५, रा. स्मृती लेआउट) याने पूर्वी तीन व्यापाऱ्यांशी संपर्क साधला होता. तिघांनाही दीड कोटीच्या डीडीच्या मोबदल्यात २ कोटी ८० लाख रुपये देण्याचे आमिष दाखविले. तहसीलमधील एका व्यापाऱ्यासह तिघांनी याला सहमतीही दर्शवली. परंतु याचदरम्यान कुख्यात हर्ष हा ओंकारचा साथीदार असल्याची कुणकूण या व्यापाऱ्यांना लागली अन् त्यांनी ओंकार सोबत संबंध तोडले. त्यामुळे तिघेही बचावले, अशी धक्कादायक माहिती पोलिस तपासादरम्यान समोर आली आहे.
कोंढाळीतील फार्महाउसमध्ये अंबरीश देवदत्त गोले (वय ४०, रा. नरकेसरी लेआउट, जयप्रकाशनगर) आणि निरालाकुमार जयप्रकाश सिंग (वय ४३, रा. प्रसाद अपार्टमेंट, एचबी टाउन, पारडी) यांची हत्या केल्याप्रकरणात पोलिसांनी ओंकारसह, लकी संजय तुरकेल (वय २२, रा. मरियमनगर), हर्ष आनंदलाल वर्मा (वय २२, रा. वाडी), दानिश दुर्गाप्रसाद शिवपेठ (वय २१, रा. गोधनी), हर्ष सौदागर बागडे (वय १९, रा. दत्तवाडी) व विशाल पुंज या सहा जणांना अटक केली आहे. सर्वजण सात दिवसांच्या पोलिस कोठडीत आहेत.
कोंढाळीतील फार्महाउसमध्ये अंबरीश देवदत्त गोले (वय ४०, रा. नरकेसरी लेआउट, जयप्रकाशनगर) आणि निरालाकुमार जयप्रकाश सिंग (वय ४३, रा. प्रसाद अपार्टमेंट, एचबी टाउन, पारडी) यांची हत्या केल्याप्रकरणात पोलिसांनी ओंकारसह, लकी संजय तुरकेल (वय २२, रा. मरियमनगर), हर्ष आनंदलाल वर्मा (वय २२, रा. वाडी), दानिश दुर्गाप्रसाद शिवपेठ (वय २१, रा. गोधनी), हर्ष सौदागर बागडे (वय १९, रा. दत्तवाडी) व विशाल पुंज या सहा जणांना अटक केली आहे. सर्वजण सात दिवसांच्या पोलिस कोठडीत आहेत.
हर्ष वर्मा, लकी हे कुख्यात गुन्हेगार आहेत. हर्ष व ओंकार मित्र आहेत. ओंकारने सहा महिन्यांपूर्वी तहसीलमधील व्यापाऱ्यासह तिघांशी संपर्क साधला. त्यांना ‘ब्लॅक अॅण्ड व्हाइट’ योजना सांगितली. सर्वजण तयारही झाले. या व्यापाऱ्यांसोबत ओंकारच्या चिटणवीस सेंटरमधील कॅफेत चार ते पाच बैठकाही झाल्या. याचदरम्यान ओंकारसोबत एका व्यापाऱ्याला कुख्यात हर्ष दिसला. काहीतरी ‘गडबड’ असल्याचा अंदाज आल्याने तिघेही या योजनेतून बाहेर पडले. त्यानंतर ओंकारने बजरंग दलाचा विदर्भाचा सहसंयोजक विशाल पुंज याला झटपट पैसे कमविण्याचे आमिष दाखविले. त्याला सावज हेरण्याचे काम दिले. विशालने निराला सिंग यांची ओळख ओंकारसोबत करून दिली. निराला सिंग आणि अंबरीश या दोघांच्या पसंतीस ही योजना पडली अन् दोघेही फसले.
दरम्यान, निराला यांचा मृतदेह अद्यापही आढळून आलेला नाही. पोलिसांचा शोध सुरूच आहे. या दुहेरी हत्याकांडाच्या तपासासाठी सात पथके स्थापन करण्यात आली आहेत.
गोलेंची कार आढळली
कोंढाळीतील तुरकेलच्या फार्महाउसमध्ये निराला सिंग व अंबरीश गोले यांची २५ जुलैला गोळ्या झाडून हत्या करण्यात आली. त्यानंतर दोघांचे मृतदेह जाळण्यात आले. जाळलेले मृतदेह कार्पेटमध्ये गुंडाळून अंबरीश यांच्या कारने नेत तळेगावमधील वर्धा नदीत फेकून देण्यात आले. याच कारने ओंकार हा नागपुरात आला. त्याने ही कार एमआयडीसीतील स्वत:च्या कंपनीच्या आवारात लपवून ठेवली. शनिवारी पोलिसांनी ही कार जप्त केली. न्यायवैद्यक प्रयोगशाळेच्या अधिकाऱ्यांनी कारची तपासणी केली. तपासणीदरम्यान कारमध्ये महत्त्वाचे पुरावे आढळून आल्याची माहिती आहे.
बजरंग दलमधून पुंजची हकालपट्टी
दुहेरी हत्याकांडात अटक झाल्याने बजरंग दलातून विशाल पुंज याची तडकाफडकी हकालपट्टी करण्यात आली. शनिवारी विश्व हिंदू परिषदेच्या पदाधिकाऱ्यांची बैठक झाली. यात हा निर्णय घेण्यात आला. विश्व हिंदू परिषदेचे प्रांतमत्री प्रशांत तितरे यांनी याबाबतचे प्रसिद्धीपत्रकही जारी केले.
आमदार, मंत्र्यांनी अविश्वास दाखवल्याने महाराष्ट्र सुरक्षा बलाच्या जवानांची मने दुखावली, १० वर्षांनंतरही उपेक्षाच