सिंधुदुर्ग: सोसाट्याच्या वाऱ्यासह मुसळधार कोसळलेल्या पावसामुळे जिल्ह्यातील कुडासे वानोशी येथे शनिवारी रात्री घराची भिंत कोसळल्याची घटना घडली. रात्री आठ वाजताच्या दरम्यान घराची भिंत कोसळून ठकी बमू वरक (वय ६५) या ज्येष्ठ महिला जखमी झाल्या. यावेळी त्यांच्यासह त्यांची सून आणि दोन लहान नातवंडे घरात होती. मात्र, प्रसंगावधान राखून त्यांची सून मुलांना घेऊन बाहेरच्या दिशेने पळाल्याने तिघेही सुखरूप बचावले.
याबाबत अधिक माहिती अशी की, भगवान वरक यांचे कुडासे वानोशी येथे राहते घर आहे. ते याठिकाणी आपली वयोवृद्ध आई , बायको व दोन लहान मुलांसह राहतात .वरक शनिवारी कामानिमित्त बाहेर गेले होते. त्यामुळे घरात त्यांची आई, बायको आणि लहान मुले होती. तालुक्यात मुसळधार पाऊस आणि सोसाट्याचा वारा होता. साधारण आठ वाजेच्या दरम्यान ठकी वरक या आंघोळीसाठी घराच्या मागे गेल्या होत्या, तर त्यांची सून व नातवंडे पुढच्या बाजूला भिंतीपलीकडे होती. तेवढ्यातच घराची मधली भिंत अचानक कोसळली.
याबाबत अधिक माहिती अशी की, भगवान वरक यांचे कुडासे वानोशी येथे राहते घर आहे. ते याठिकाणी आपली वयोवृद्ध आई , बायको व दोन लहान मुलांसह राहतात .वरक शनिवारी कामानिमित्त बाहेर गेले होते. त्यामुळे घरात त्यांची आई, बायको आणि लहान मुले होती. तालुक्यात मुसळधार पाऊस आणि सोसाट्याचा वारा होता. साधारण आठ वाजेच्या दरम्यान ठकी वरक या आंघोळीसाठी घराच्या मागे गेल्या होत्या, तर त्यांची सून व नातवंडे पुढच्या बाजूला भिंतीपलीकडे होती. तेवढ्यातच घराची मधली भिंत अचानक कोसळली.
प्रसंगावधान राखून त्यांची सून आपल्या दोन मुलांना घेऊन बाहेरच्या दिशेने पळाली त्यामुळे त्यांना आणि मुलांना कोणतीही इजा झाली नाही मात्र, वयोवृध्द ठकी वरक जखमी झाल्या. त्यांच्या कंबरेला , पाठीला व पायाला मार लागला. अतिवृष्टी मुळे घराची भिंत कोसळून वरक कुटुंबियांचे हजारो रुपयांचे नुकसान झाले. घराच्या नुकसानीचा पंचनामा करण्यात आला आहे.
कुटुंबं स्थलांतरीत, घरातील धान्य भिजले
वरक कुटुंबीयांवर ओढवलेली नैसर्गिक आपत्ती लक्षात घेऊन स्थानिकांनी त्या कुटुंबाचे दुसरीकडे स्थलांतर केले असले तरी त्यांच्या घरातील तांदूळ, गोटा व अन्य जीवनावश्यक साहित्य भिजून गेले आहे. त्यामुळे महसूल प्रशासनाने त्यांना तातडीने आर्थिक मदत करावी अशी मागणी होत आहे.
साताऱ्यातील उलटा धबधबा पाहण्यासाठी गेले, हुल्लडबाज तरुणांचा राडा, पती-पत्नीला मारहाण