धाराशिव : महाराष्ट्राची कुलस्वामिनी श्री तुळजाभवानी देवीजींचे दर्शनासाठी संपूर्ण महाराष्ट्रासह देशातील आंध्र प्रदेश, कर्नाटक, तेलंगाणा आणि इतर राज्यातून मोठ्या संख्येने भाविकांची कुलदेवता असल्याने या ठिकाणी कुलाचार व कुलधर्म करण्यासाठी येतात. श्री देवीजींची सिंहासन पूजा ही अत्यंत महत्त्वाची मानली जाते. सिंहासन पूजा नोंदणी ऑनलाइन पध्दतीने श्री तुळजाभवानी मंदिर संस्थानच्या अधिकृत संकेतस्थळावर उपलब्ध करुन देण्यात येत आहे. माहे ऑगस्ट- २०२३ या महिन्याच्या सिंहासन पूजेच्या नोंदणीसाठी पुढीलप्रमाणे वेळापत्रक करण्यात येत आहे.
सिंहासन पूजा नोंदणी दि.२१ जुलै रोजी सकाळी १०.०० वा.पासून ते २६ जुलै पर्यंत सकाळी १०.०० वा.पर्यंत करता येईल. ऑनलाइन ड्रॉ पध्दतीने प्रथम सोडत व भाविकांना पेमेंटसाठी एसएमएस दि.२६ जुलै रोजी सकाळी १०.३० वाजेपर्यंत पाठविण्यात येईल.
सिंहासन पूजा नोंदणी दि.२१ जुलै रोजी सकाळी १०.०० वा.पासून ते २६ जुलै पर्यंत सकाळी १०.०० वा.पर्यंत करता येईल. ऑनलाइन ड्रॉ पध्दतीने प्रथम सोडत व भाविकांना पेमेंटसाठी एसएमएस दि.२६ जुलै रोजी सकाळी १०.३० वाजेपर्यंत पाठविण्यात येईल.
भाविकांना प्रथम सोडतीचे ऑनलाइन पेमेंट २६ जुलै रोजी सकाळी १०.३० वाजल्यापासून ते २७ जुलै रोजी सकाळी १०.०० वाजेपर्यंत करता येईल. सिंहासन संख्या पूर्ण न झाल्यास ऑनलाइन ड्रॉ पध्दतीने द्वितीय सोडत व भाविकांना पेमेंटसाठी एसएमएस दि.२७ जुलै रोजी सकाळी १०.३० वाजेपर्यंत पाठविला जाणार आहे.
भाविकांना द्वितीय सोडतीचे ऑनलाइन पेमेंट दि.२७ जुलै रोजी सकाळी १०.३० वाजल्यापासून ते दि.२८ जुलै रोजी सकाळी १०.०० वाजेपर्यंत करता येईल. प्रथम व द्वितीय फेरीत सिंहासन संख्या पूर्ण न झाल्यास ऑनलाइन ड्रॉ पध्दतीने तृतीय सोडत व भाविकांना पेमेंटसाठी एसएमएस दि. २८ जुलै रोजी सकाळी १०.३० वाजेपर्यंत पाठविण्यात येणार आहे.
वाढदिवसाचं सेलिब्रेशन करुन निघाले, वाटेत चहापाणी झाला, शिवाई बसची धडक अन् सगळं संपलं
भाविकांना तृतीय सोडतीचे ऑनलाइन पेमेंट दि.२८ जुलै रोजी सकाळी १०.३० वाजल्यापासून ते २९ जुलै रोजी सकाळी १०.०० वाजेपर्यंत करता येईल. माहे जुलै २०२३ या महिन्यातील अंतिम सिंहासन पूजा बुकींग झाल्याची यादी दि.२९जुलै रोजी सायंकाळी ०५.०० वाजता प्रसिध्द करण्यात येईल.
जिल्हाधिकाऱ्यांची साद, सेवानिवृत्त पोलिसाचा प्रतिसाद, तृतीयपंथीय समाजासाठी केलं मोठं काम, पाऊण एकर जमीन दान
भाविकांनी सिंहासन पूजा श्री तुळजाभवानी मंदिर संस्थानचे अधिकृत संकेतस्थळावरुन सिंहासन पूजा पास बुकींग या मेन्यूवर क्लिक केल्यानंतर या लिंकवर प्रवेश करुन भाविकांनी आपली सिंहासन पूजेची नोंदणी करावी आणि सिंहासन पूजा नोंदणीचा लाभ घ्यावा, असे श्री तुळजाभवानी मंदिर प्रशासनाकडून आवाहन करण्यात आले आहे.
तुम्ही आल्याशिवाय कोणालाही भेटणार नाही, शरद पवारांनी जयंत पाटलांसाठी अजितदादांच्या गटाला ताटकळत ठेवलं