या प्रकरणी अलका आत्माराम रूपवते (वय ४०, रा. संजयनगर, मुकुंदवाडी) यांनी तक्रार दिली. त्यांचे भारत बाजार येथे शेअर बाजार व्यवहाराचे कार्यालय आहे. एप्रिल २०२१ मध्ये शेअर बाजाराचे ऑनलाइन क्लास करताना, त्यांच्या ओळखीच्या काहींनी अखिलसिंह (सौरभ) (मध्य प्रदेश) याच्याबाबत माहिती दिली. रूपवते यांनी अखिल सिंह यांच्याशी संपर्क केला. सुरवातीला काही गुंतवणूक केल्यानंतर अखिल सिंह यांची चांगला परतावा दिला. यानंतर अखिल सिंह आणि निहारिका अग्रवाल या दोघांनी रूपवते यांच्या कार्यालयाला भेटही दिली.

त्यांनी योजना समजावून सांगितली. डिसेंबर २०२१ मध्ये निहारिका अग्रवाल यांनी ‘डबल धमाका स्कीम’बाबत सांगितले. या योजनेत फेब्रुवारी २०२२ मध्ये ५० हजार रूपयांची गुंतवणूक केल्यास ग्राहकाला जून २०२२ मध्ये एक लाख रुपये मिळतील असे सांगितले. या योजनेत २२ जणांनी एकूण २७ लाख ५० हजाराची गुंतवणूक केली. या गुंतवणुकीनंतर १२ मार्च २०२३ पर्यंत परतावा देण्याचे आश्वासन अखिल सिंह आणि निहारिका यांनी दिले होते. मात्र त्यांना या दोघांनी परवाता दिलाच नाही. तसेच फोनही बंद केला. या प्रकरणात रुपवते यांच्या तक्रारीवरून अखिल सिंह (रा. सलैय्या सिहोरा, कटनी, मध्य प्रदेश) आणि निहारिका अग्रवाल या दोघांच्या विरोधात एमआयडीसी सिडको पोलिस ठाण्यात गुन्हा दाखल करण्यात आला आहे.

परतावा देऊन विश्वास मिळविला

अखिल सिंह यांच्याशी संपर्क केल्यानंतर त्यांनी सांगितल्यानुसार रूपवते यांनी त्यांचे कार्यालय सुरू केले. यानंतर ट्रेडिंगसाठी २० हजार रुपये पाठविले. ३० हजार रुपये परतावा मिळाला. यानंतर ७० हजार रुपयांचा परतावा दिला. हा परतावा देऊन अखिल सिंह आणि निहारिका अग्रवाल यांनी रूपवते यांचा विश्वास संपादन केले.
सावधान! पीएम मुद्रा योजनेच्या नावाखाली होतेय फसवणूक; ठाण्यातील धक्कादायक घटना
डबल धमाकाचा परवातासाठी तारिख पे तारिख

सदर महिलेला डबल धमाका योजनेची माहिती देण्यात आली. या योजनेत २२ जणांचे २७ लाख ५० हजार गुंतवणूक केले. या योजनेचा नफा हा १० मार्च २०२३ ला देणार होते. तो दिला नाही. यानंतर १२ मार्च २०२३ मध्ये टॅक्स कापून पैसे मिळणार असल्याचे सांगण्यात आले. यानंतर पैसेही आले नाही. तसेच संबंधीतांनी त्यांचा मोबाईल व संपर्कही बंद केला.