ही घटना पोलीस स्टेशनपासून काही अंतरावरच घडली. या घटनेची माहिती मिळताच पोलीसही त्या ठिकाणी तात्काळ दाखल झाले. त्यांनी हा वाद मिटवण्याचा प्रयत्न केला. या परिसरातील वस्तीतील लोकांनी केलेल्या दगडफेकीत ट्रॅव्हलच्या काचा फुटल्याने रस्त्यावर खच पडला होता .या घटनेत ट्रॅव्हलचे नुकसान झाले आहे. ही दगडफेक ट्रॅव्हल्स पार्किंग करण्याच्या कारणावरून झाल्याचे निष्पन्न होत आहे. या वादावादीची चर्चा वाऱ्यासारखी परिसरात पसरल्याने पर्यटकांमध्ये भीतीचे वातावरण निर्माण झाले होते.

दिलासा! टोमॅटोचे दर आवाक्यात आणण्यासाठी केंद्राचा मोठा निर्णय; सरकारकडून दर निश्चित

श्री क्षेत्र वाई येथील श्री महागणपती मंदिर कृष्णा नदीच्या घाटावर आहे. अत्यंत रम्य परिसर असल्याने व महागणपतीचे माहात्म्य असल्याने या ठिकाणी राज्यासह देशभरातून पर्यटक येत असतात. त्यामुळे परिसरात वाहनांमुळे वाहतुकीची कोंडी होत असते. अशा स्थितीत वाहनधारक मोकळी जागा दिसेल त्या ठिकाणी वाहन पार्किंग करत आहेत. त्यामुळे या परिसरातील वस्तीतील लोक व वाहनधारक पर्यटकांशी वादावादी हा दररोजचा प्रश्न निर्माण झाला आहे. ही नेहमीच होणारी वादावादी पर्यटकांच्या आनंदावर विरजन घालणारी ठरत आहे.

मोठी बातमी, अजित पवार गट शरद पवारांच्या भेटीला, जयंत पाटलांची पहिली प्रतिक्रिया, म्हणाले.. सुप्रियाताईंचा फोन

या भागातील पार्किंगचा प्रश्न पालिका प्रशासनाने गांभीर्याने सोडवण्याची नितांत गरज आहे. अन्यथा येणाऱ्या पर्यटकांना याचा त्रास सहन करावा लागणार आहे. किंबहुना शहराच्या मध्यवस्तीत रहिवासी व व्यापाऱ्यांनाही दररोज त्रास सहन करावा लागत आहे. या घटनेची नोंद वाई पोलीस ठाण्यात झाली, असून तपास सुरू आहे.
मोठी बातमी : राष्ट्रवादीच्या गोटात वेगवान घडामोडी; अजितदादा गटातील दिग्गज मंत्री शरद पवारांच्या भेटीला!