बीड: बीड जिल्ह्यातील परळी मतदारसंघातील बहीण भावातील संघर्ष उभ्या महाराष्ट्राने पाहिला आहे. मात्र या राजकीय संघर्षानंतर बहीण भावाच्या नात्यात आता मायेची झालर आल्याचे पाहायला मिळतंय. धनंजय मुंडे यांनी मंत्रिपदाची शपथ घेतल्यानंतर ते पहिल्यांदा बीडमध्ये येत असल्याने परळी मतदारसंघात मोठ्या प्रमाणात बॅनरबाजी करण्यात आली होती. बॅनरवर धनंजय मुंडे आणि पंकजा मुंडे यांचे फोटो एकत्रित असल्याने अनेक गोष्टींना आणि चर्चेला परळी मतदारसंघात सुरुवात झाली आहे. मात्र.. काही महिन्या पूर्वीच एकत्रित आलेल्या एका सभेत पंकजा मुंडेंनी यांनी आमचा वाद संपला असल्याचं जाहीर केलं आणि त्यानंतरच पहिल्यांदाच मंत्रिपदाची शपथ घेतल्यानंतर बीड शहरात आगमन झालेल्या धनंजय मुंडे यांच्या स्वागतासाठीचे हे बॅनर पाहून आता सत्ता संघर्षावर मायेची झालर पडली असल्याचं बोललं जाऊ लागले.
२०१९ च्या विधानसभा निवडणुकीच्या प्रचारावेळी पंकजा मुंडे आणि धनंजय मुंडे यांच्यातील संघर्ष टोकाला गेल्याचं दिसून आलं होतं. मात्र, काही दिवस संघर्षाचे गेल्यानंतर पंकजा मुंडे आणि धनंजय मुंडे यांच्यात संवाद सुरु झाल्याचं दिसून आलं. पंकजा मुंडे या धनंजय मुंडे यांचा अपघात झाला तेव्हा त्यांना भेटायला गेल्याचं देखील दिसून आलं होतं.
२०१९ च्या विधानसभा निवडणुकीच्या प्रचारावेळी पंकजा मुंडे आणि धनंजय मुंडे यांच्यातील संघर्ष टोकाला गेल्याचं दिसून आलं होतं. मात्र, काही दिवस संघर्षाचे गेल्यानंतर पंकजा मुंडे आणि धनंजय मुंडे यांच्यात संवाद सुरु झाल्याचं दिसून आलं. पंकजा मुंडे या धनंजय मुंडे यांचा अपघात झाला तेव्हा त्यांना भेटायला गेल्याचं देखील दिसून आलं होतं.
गेल्या काही दिवसांपूर्वी परळीतील वैद्यनाथ सहकारी साखर कारखान्याच्या निवडणुकीत देखील पंकजा मुंडे आणि धनंजय मुंडे यांनी सामंजस्याची भूमिका घेत कारखान्याची निवडणूक बिनविरोध केली होती. त्यामुळं देखील परळी मतदारसंघातील दोन्ही नेत्यांच्या कार्यकर्त्यांमध्ये देखील एक वेगळं वातावरण निर्माण झालं होतं.
Kolhapur Police Bribe : पोलीस अधीक्षक कार्यालयातच महिला कॉन्स्टेबलची लाचखोरी, कारण ऐकून डोक्यावर हात माराल
धनंजय मुंडे यांनी मुख्यमंत्री एकनाथ शिंदे यांच्या मंत्रिमंडळात कॅबिनेट मंत्री म्हणून शपथ घेतल्यानंतर मुंबईत पंकजा मुंडे यांची भेट घेतली होती. पंकजा मुंडे यांनी देखील धनंजय मुंडे यांचं मंत्री झाल्याबद्दल औक्षण केलं होतं. याचे फोटो व्हिडिओ देखील समाजमाध्यमांमध्ये आले होते. त्यानंतर दोन्ही नेत्यांमधील संघर्ष कमी होत असल्याचं चित्र दिसून आलं होतं.
Weather Alert: मुंबई-ठाण्यात गरज असेल तरच घराबाहेर पडा, हवामान खात्याकडून मुसळधार पावसाचा इशारा
परळीत धनंजय मुंडे यांच्या बॅनरवर पंकजा मुंडे यांचा फोटो
धनंजय मुंडे आणि पंकजा मुंडे यांचे एकत्रित फोटो बॅनरवर आल्यानं पुढील काळात त्यांच्या मध्ये आमने सामने लढत होईल. राजकीय वाद संपवला जाईल हे पाहावं लागेल. आता भाजप आणि राष्ट्रवादीतील अजित पवार यांचा गट सत्तेत एकत्रित आल्यानं दोन्ही नेते महायुतीतील सहकारी बनले आहेत.
Eknath Shinde: ऐकायला अवघड, पण बेरजेचे गणित! एकनाथ शिंदेंनी सांगितलं राष्ट्रवादीशी युती करण्यामागचं कारण