नागपूर : आजकाल लहान मुलांपासून मोठ्यांपर्यंत सर्वांनाच मोबाईलचे व्यसन लागले आहे. आताचे तरूण मोबाइल मिळविण्यासाठी खूप हट्ट करतात आणि ते न मिळाल्यास मनात रागही धरत नैराश्यातही जातात. अशीच एक धक्कादायक घटना नागपूर जिल्ह्यातील उमरेड शहरात घडली आहे. जिथे वडिलांनी मोबाईल देण्यास नकार दिल्याने १५ वर्षीय विद्यार्थ्याने गळफास घेऊन आत्महत्या केली. उत्सव नरेंद्र गडबोरीकर असे मृत विद्यार्थ्याचे नाव असून तो भिसी नाका येथील रहिवासी आहे. हा विद्यार्थी जीवन विकास विद्यालयात इयत्ता दहावीत शिकत होता. उत्सवने एवढे मोठे पाऊल उचलल्याने उमरेड शहरातील लोकांना धक्काच बसला आहे.
मिळालेल्या माहितीनुसार, उत्सव गेल्या अनेक दिवसांपासून वडिलांकडे वारंवार मोबाईल फोनची मागणी करत होता. मात्र वडिलांनी मोबाईल देण्यास नकार दिला. गुरुवारी पहाटे तीन वाजता उत्सवचे वडील पाणी पिण्यासाठी उठले. त्याचवेळी त्यांना उत्सवच्या खोलीचे दिवे लागलेले दिसले. वडील उत्सवच्या खोलीत गेले असता, उत्सवने घराच्या छताला ओढणीच्या सहाय्याने गळफास लावून घेतल्याचे त्यांना दिसले.
मिळालेल्या माहितीनुसार, उत्सव गेल्या अनेक दिवसांपासून वडिलांकडे वारंवार मोबाईल फोनची मागणी करत होता. मात्र वडिलांनी मोबाईल देण्यास नकार दिला. गुरुवारी पहाटे तीन वाजता उत्सवचे वडील पाणी पिण्यासाठी उठले. त्याचवेळी त्यांना उत्सवच्या खोलीचे दिवे लागलेले दिसले. वडील उत्सवच्या खोलीत गेले असता, उत्सवने घराच्या छताला ओढणीच्या सहाय्याने गळफास लावून घेतल्याचे त्यांना दिसले.
त्याच्या वडिलांनी तत्काळ घरातील सर्वांना उठवून उमरेड पोलिसांना याची माहिती दिली. सदर मृतदेह पोस्टमॉर्टमसाठी ग्रामीण रुग्णालयात पाठविण्यात आला असून पुढील तपास उमरेड पोलीस करत आहेत.
मुलांना मोबाईलचा वापर आणि गरज याबाबत सांगणे आवश्यक
खरे तर आजची तरुणाई पूर्णपणे मोबाईलच्या प्रेमात आहे असे म्हणायला हरकत नाही. पण असे होणार असेल तर मोबाईलचा वापर ,गैरवापर आणि गरज याबाबत मुलांना सांगणे आवश्यक आहे. मोबाईल काय आणि कधी वापरायचा ते आतापासून त्यांना शिकवावं लागेल. मुलांना मोबाईल देण्याच्या आश्वासनाऐवजी तो आत्ता विकत का घेऊ नये हे सांगितल्यास कदाचित असे प्रकार होणे टळतील.