धाराशिव: पोलीस पाटलाने गावातील एकटी असलेल्या महिलेची छेडछाड केल्याचा प्रकार कळंब तालुक्यात घडला आहे. संबधित पोलीस पाटील विरुध्द कळंब पोलीस स्टेशनला गुन्हा दाखल झाला आहे. कळंब तालुक्यातील ३५ वर्षीय महिला शेतातील काम आटपून सायंकाळी एकटी घरी येत असताना गावातील पोलीस पाटीलने गाडी आडवी लावुन महिलेला वाटेत आडवले. गाडीच्या खाली उतरून महिलेच्या साडीचा पदर धरला.
Dombivli News: मित्रांमधील वाद टोकाला, चाकूने वार; रक्ताची धार लागली असतानाच पळत सुटला अन्….
साडीचा पदर का? धरला असे विचारताच तुझ्या नवऱ्याच्या विरोधात मी गुन्हा दाखल केला आहे. केस काढुन घ्यायची असेल तर मी बोलावेल त्या ठिकाणी चल असे म्हणुन मोबाईल नंबर मागितला. त्यानंतर महिलेने तेथुन पळ काढला. रात्री उशिरा पती कामावरुन आल्यानंतर पोलीस पाटलाने केलेला प्रताप सांगितला. दुसऱ्या दिवशी सकाळी ८ वाजता गावातील बस स्थानक येथे उभा असलेल्या पोलीस पाटलाला जाब विचारला असता. पोलीस पाटलाने महिलेच्या पतीस अर्वाच्च भाषेत शिवीगाळ करुन मारहाण करण्यास सुरुवात केली.

मित्र-मैत्रिण फिरण्यासाठी गेले, रस्त्यातच नराधमांनी अडवलं, एकाने छेड काढली, दुसऱ्याने गोळी घातली

या दरम्यान पोलीस पाटलाचे वडिल आणि आई यांनी देखील अर्वाच्च भाषेत शिवीगाळ करुन मारहाण केली. पीडित महिलेच्या पतीला उपचारासाठी दाखल केले आहे. यानंतर महिलेच्या तक्रारीवरुन कळंब पोलीस स्टेशनला भारतीय दंड संहिता कलम ३४१, ३५४, ३५४ अ, ३२४, ३२३, ५०४, ५०६, ३४ नुसार गुन्हा दाखल झाला असुन पोलीस काँन्स्टेबल प्रशांत विजय सोनटक्के हे पुढील तपास करत आहेत.