Eknath Shinde : युतीला तडे जाण्याची भीती, शिंदेंच्या शिवसेनेची आता नवी जाहिरात; फडणवीसांना मानाचं पान

कुणीही आमची चिंता करु नये, देवेंद्र फडणवीसांचं प्रत्युत्तर

शिवसेनेच्या जाहिरातीमुळे शिवसेना आणि भाजपमध्ये तणाव निर्माण झाला होता. दोन्ही बाजूच्या नेत्यांकडून परस्परांना इशारे-प्रतिइशारे देण्यात आली होती. या सगळ्यात देवेंद्र फडणवीस हे मात्र मौन बाळगून होते. त्यामुळे देवेंद्र फडणवीस आज काय बोलणार, याकडे सर्वांच्या नजरा लागल्या होत्या. आपल्या भाषणात देवेंद्र फडणवीसांनी म्हटले की, एकनाथ शिंदेंसोबतचा प्रवास तो कालही सोबत होता, तो आजही सोबत आहे आणि तो उद्याही सोबतच राहणार आहे, कारण- आम्ही सरकार बनवलं खुर्च्या तोडण्याकरता नाही, पद मिळवण्याकरता नाही, हे सरकार लोकांच्या जीवनात सामाजिक-आर्थिक परिवर्तन करण्यासाठी आलं आहे. एखाद्या जाहिरातीमुळे, एखाद्याच्या वक्तव्यामुळे कुठे या सरकारमध्य़े काही होईल, एवढं तकलादू हे सरकार नाही. हे जुनं सरकार नाही, कुणी आधी भाषण करायचं आणि कुणी नंतर करायचं? याच्यासाठी एकमेकांची गच्ची पकडणारे आम्ही बघितले, पण आमचं सरकार सामान्यांसाठी काम करणारे सरकार आहे, असे देवेंद्र फडणवीस यांनी म्हटले.

Shinde Vs Fadnavis: शिंदे-फडणवीस यांच्यात छुपे युद्ध, १०५ विरुद्ध ४० आमदारांच्या गटाची लढाई: संजय राऊत

हा फेव्हिकॉलचा जोड, फडणवीसांसोबतची दोस्ती कधीही तुटणार नाही: एकनाथ शिंदे

एकनाथ शिंदे यांनीही आपल्या भाषणात जाहिरातीमुळे झालेल्या वादावर पडदा टाकला. आमच्या युतीत मिठाचा खडा एक वर्षापूर्वी टाकला होता,तो आम्ही फेकून दिला. माझी आणि देवेंद्र फडणवीसांची दोस्ती आताची नाही. ते आमदार आणि मी आमदार होतो. तेव्हापासून आमची मैत्री होती. हा फेव्हिकॉलचा जोड आहे, कितीही प्रयत्न केले तरी दोस्ती तुटणार नाही, असे एकनाथ शिंदे यांनी ठणकावून सांगितले. काही लोक आम्हाला जय विरुची जोडी म्हणतात. पण ही जोडी युतीची आहे. काही लोक स्वार्थासाठी एकत्र आले होते त्यांना जनतेने दूर केले, असा टोलाही एकनाथ शिंदे यांनी महाविकास आघाडीला लगावला.