गायीने बॉम्ब खाल्ल्याने जबडा फुटला, मालकाने सोडून दिलं, लोकांना फुटला पाझर, मात्र…याबाबत खराडी येथील ऑल स्टेट कंपनीच्या व्यवस्थापकाने चंदननगर पोलिस ठाण्यात तक्रार दिली आहे. याबाबत पोलिसांनी दिलेल्या माहितीनुसार, खराडी परिसरातील ऑल स्टेट कंपनीमध्ये अलरुमान शेख हा पती कामाला आहे. त्याने दुसरे लग्न केल्याने या पती पत्नी मध्ये सतत वाद होत होते. त्यामुळे पती फरहिन हिला वेळ देत नव्हता. त्यामुळे नवऱ्याला धडा शिकवण्यासाठी पत्नीने त्याचे ऑफिस आणि कॅब उडवून देण्याचे ठरवले. त्यानुसार फरहीन हिने नोकरी जाण्याच्या हेतूने तिने पतीचा मेल आयडी वापरून फिर्यादीच्या कंपनीच्या मेलवर मेल पाठविला.
त्यात कंपनीचे कार्यालय आणि कॅब उडविण्याची धमकी देणारा उल्लेख देखील केला. धमकीचा मेल पाहिल्यानंतर व्यवस्थापकाने पोलिसांकडे तक्रार दिली. पोलिसांनी तातडीने कंपनीच्या सर्व कॅबची बॉम्ब शोधक-नाशक पथकाकडून तपासणी केली. त्यात काहीही आढळून आले नाही. पोलिसांच्या तांत्रिक तपासात फरहीनने मेल केल्याचे तपासात उघड झाले. पोलिसांकडून संबधित महिलेला अटक करण्यात आली असून पुढील तपास पोलिसांकडून सुरू आहे.