पुणे विमानतळावर विदेशातून आलेल्या काही तरुणांकडे चॉकलेटचे बॉक्स आढळले. या चॉकलेटच्या बॉक्समध्ये कोट्यवधी रुपयांचा गांजा सापडला आहे. या घटनेची गंभीर दखल प्रशासनाकडून घेण्यात आली आहे.
नेमकं काय घडलं?
नोकरीच्या आमिषाने बँकॉकला गेलेले चार जण परतताना चॉकलेटचे बॉक्स घेऊन आले. पण त्या बॉक्समध्ये चॉकलेट नव्हतंच. आत होता तब्बल 8.71 कोटी रुपयांचा हायड्रोपोनिक गांजा! पुणे विमानतळावर एअर इंटेलिजन्स युनिटने ही मोठी कारवाई करत 5 जणांना ताब्यात घेतलं आहे. मिळालेल्या माहितीनुसार, चार प्रवासी बँकॉकहून पुण्यात विमानाने आले. विमानतळावर तपासणीदरम्यान त्यांच्या बॅगमध्ये संशयास्पद चॉकलेटचे बॉक्स आढळले. अधिकाऱ्यांनी बॉक्स उघडून पाहिल्यावर धक्काच बसला. चॉकलेटच्या ऐवजी आत व्यवस्थित पॅक करून हायड्रोपोनिक गांजा लपवून ठेवण्यात आला होता.तपासात समोर आलेल्या माहितीनुसार, या चौघांना बँकॉकमध्ये नोकरी मिळेल असे सांगून बोलावण्यात आले होते. मात्र तिथे गेल्यावर “नोकरीची संधी नाही” असं सांगितलं गेलं. परतीच्या प्रवासात त्यांना प्रत्येकी एक चॉकलेटचा बॉक्स देण्यात आला आणि तो पुण्यात घेऊन जाण्यास सांगितलं. त्यांना आत काय आहे याची कल्पनाही नव्हती, असा प्राथमिक अंदाज अधिकाऱ्यांनी व्यक्त केला आहे.
दरम्यान, पुणे विमानतळावर या चौघांना घेण्यासाठी आलेल्या आणखी एका व्यक्तीलाही ताब्यात घेण्यात आले आहे. ही व्यक्ती रत्नागिरी जिल्ह्यातील असल्याची माहिती समोर आली आहे. तर विमानाने आलेले चारही जण झारखंडमधील असल्याचं सांगितलं जात आहे.
या कारवाईत एकूण ८.७१ कोटी रुपयांचा हायड्रोपोनिक गांजा जप्त करण्यात आला आहे. पुणे विमानतळावर यंदाच्या वर्षातील ही सर्वात मोठी ड्रग्ज कारवाई मानली जात आहे.
एअर इंटेलिजन्स युनिटकडून सध्या या प्रकरणाचा सखोल तपास सुरू असून या तस्करीमागे नेमकं कोणतं मोठं रॅकेट आहे का, याचाही शोध घेतला जात आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा