महापालिका क्षेत्रात झाडांवर ठोकलेले हे खिळे काढून टाकावेत, त्यासाठी मोहीम हाती घ्यावी. काँक्रीटमध्ये जखडलेले झाडांचे बुंधे व्यवस्थितपणे मोकळे करावेत, अशा सूचनाही बांगर यांनी दिल्या. आवश्यक असेल तेथे वृक्ष छाटणी करण्यासाठी यांत्रिक पद्धतीचा वापर करावा. त्यासाठी प्रत्येक प्रभाग समितीत किमान एक वाहनाचे नियोजन करण्यात यावे. झाडाच्या फांद्या कापण्यासाठी कामगाराला झाडावर चढवण्यातही दुर्घटना होण्याचा संभव असतो. त्यामुळे आवश्यक ती सुरक्षा पुरवूनच हे काम केले जावे, असे आयुक्त बांगर यांनी सांगितले.