म. टा. विशेष प्रतिनिधी, मुंबई : पावसाळ्यात सखल भागांत पाणी साचणाऱ्या ठिकाणी पालिकेच्या पर्जन्य जलवाहिन्या विभागाकडून कामे हाती घेण्यात आली आहेत. पश्चिम उपनगरात यंदा चार ठिकाणी पाणी साचण्यापासून पूर्णपणे दिलासा मिळेल, असा दावा पालिकेने केला आहे. आणखी ३१ ठिकाणी उपाययोजना प्रगतिपथावर असून, पुढील वर्षभरात त्या पूर्ण होतील. सन २०२४च्या पावसाळ्याआधी पश्चिम उपनगरांतील या सर्व ठिकाणी पावसाच्या पाण्याचा वेगाने निचरा होऊन नागरिकांना दिलासा मिळेल, असा विश्वास प्रशासनाकडून व्यक्त करण्यात आला आहे.
मालाड पूर्वची सुटका
मालाड पूर्व सेंट्रल ऑर्डिनन्स डेपो गेट ते पाटकर वाडीच्या दक्षिणेकडे कुरार नाल्यापर्यंत मंच्छुभाई रस्त्यालगत असलेली ६०० मिमीची पर्जन्य जलवाहिनी १२०० मिमी पर्यंत वाढवण्यात आली आहे. त्यामधील गहाळ असलेले अपूर्ण दुवे जोडून एकसंध पर्जन्य जलवाहिनी बांधण्याचे काम पूर्ण झाले आहे. पाटकर वाडीच्या उत्तरेला सी. ओ. डी. बफर झोनमुळे येणाऱ्या लोंढ्याने पाटकर वाडी भाग जलमय होत होता. या समस्येवर उपाय म्हणून यावर्षी सी. ओ. डी. व रेल्वे लाइनच्या मध्ये एक खंदक बनवून त्याला उत्तरेकडे पोईसर नदीला जोडण्यात आले आहे. त्यामुळे पाटकर वाडीच्या उत्तरेकडून येणाऱ्या सी. ओ. डी. च्या पाण्याचा निचरा पोईसर नदीत होऊ शकेल व त्याचा पाटकर वाडीवर विपरीत परिणाम होणार नाही.
मालाड पूर्वची सुटका
मालाड पूर्व सेंट्रल ऑर्डिनन्स डेपो गेट ते पाटकर वाडीच्या दक्षिणेकडे कुरार नाल्यापर्यंत मंच्छुभाई रस्त्यालगत असलेली ६०० मिमीची पर्जन्य जलवाहिनी १२०० मिमी पर्यंत वाढवण्यात आली आहे. त्यामधील गहाळ असलेले अपूर्ण दुवे जोडून एकसंध पर्जन्य जलवाहिनी बांधण्याचे काम पूर्ण झाले आहे. पाटकर वाडीच्या उत्तरेला सी. ओ. डी. बफर झोनमुळे येणाऱ्या लोंढ्याने पाटकर वाडी भाग जलमय होत होता. या समस्येवर उपाय म्हणून यावर्षी सी. ओ. डी. व रेल्वे लाइनच्या मध्ये एक खंदक बनवून त्याला उत्तरेकडे पोईसर नदीला जोडण्यात आले आहे. त्यामुळे पाटकर वाडीच्या उत्तरेकडून येणाऱ्या सी. ओ. डी. च्या पाण्याचा निचरा पोईसर नदीत होऊ शकेल व त्याचा पाटकर वाडीवर विपरीत परिणाम होणार नाही.
सोसायट्यांना दिलासा
स्वामी विवेकानंद मार्ग ते लिंकिंग रोडदरम्यान असलेला जे. के. मेहता रस्ता हा सखल भागात आहे. पावसाचे पाणी साचल्याने वाहतूक ठप्प होते. काही सोसायट्यांमध्ये देखील पाणी भरते. त्याचा परिणाम सांताक्रुझ स्थानक परिसरापर्यंत होतो. यावर उपाय म्हणून जे. के. मेहता रस्त्यावरील ४३० मीटर लांबीची बॉक्स ड्रेन १.५ मीटर रुंदीवरून ३.० मीटर रुंदीची करण्यात आली आहे. गोरेगाव पूर्व येथील स्क्वाटर कॉलनी परिसरातील ६०० मिमी रुंदीची पर्जन्य जलवाहिनी १५०० मिमी रुंद करण्यात आली आहे.
कार्गो संकुलाची समस्या निकाली
सहार गाव तसेच अंधेरी कार्गो विमानतळाला लागून असलेला नाला पूर्वी ४ ते ५ मीटर रुंद होता. या नाल्याचे खोलीकरण करणे आवश्यक होते. नाल्याच्या भिंतीही जीर्ण अवस्थेत होत्या. सुमारे ६५० मीटर लांबीचा हा नाला विमानतळाची इंधन वाहिनी नाल्याच्या शेजारून जात असल्याने रुंदीकरणाला मर्यादा येत होत्या. एअर इंडियासोबत पाठपुरावा करून ही इंधन वाहिनी काढल्यानंतर नाला ६ मीटर ते ८ मीटर रुंद करण्यात आला आहे. तसेच नाल्याचे खोलीकरणही करण्यात आले. त्यामुळे सहार गाव, आंतरराष्ट्रीय विमानतळ (कार्गो विभाग), सहार पोलिस ठाणे, सुतार पाखडी पोलिस ठाणे, चर्च पाखाडी विभाग आणि कार्गो विभाग या भागातील पावसामुळे पाणी साचण्याची समस्या निकाली निघाली आहे.
Cyclone : कोकण किनारपट्टीला चक्रीवादळाचा धोका? हवामान विभागाचं मात्र सावधगिरीचं आवाहन
आकुर्ली मार्गावर बॉक्स ड्रेनचा विस्तार
कांदिवली पूर्व येथील आकुर्ली मार्ग ते पश्चिम द्रुतगती मार्ग परिसरातील सखल भागात मोठ्या पावसानंतर पाणी साचते. रस्ते वाहतुकीवर याचा परिणाम होतो. आकुर्ली मार्गावरील ठाकूर हाऊस व आकुर्ली मार्गावरील सार्वजनिक शौचालयासमोर बॉक्स ड्रेन रुंद करण्यात आले. तसेच आकुर्ली छेद मार्ग क्रमांक ३ येथील रस्त्यालगतच्या पर्जन्य जलवाहिन्या रुंद करण्यात आल्या. त्यामुळे आकुर्ली मार्गावरील ठाकूर हाऊस परिसरातील नागरिकांना पावसाळ्यामध्ये हमखास दिलासा मिळेल.
अमित शहांसोबतच्या बैठकीत मंत्रीमंडळ विस्तारावर खल, मनसेला युतीत सहभागी करणार?