नाशिकला येणारे भाविक व पर्यटक पंचवटीतील प्रसिद्ध काळाराम मंदिरात येत असल्याने मंदिर परिसर कायम गजबजलेला असतो. या मंदिरातही तोकडे कपडे परिधान करून येणाऱ्यांची संख्या मोठी असते. त्यामुळे मंदिराचे पावित्र्य जपले जात नाही, असा काही भाविकांचा आक्षेप आहे. त्यामुळे काळाराम मंदिरात येणाऱ्या भाविकांसाठी ड्रेसकोड लागू करण्यात यावा, असे मत व्यक्त केले जाऊ लागले आहे.
नाशिकमधील मंदिरांतही लवकरच वस्त्रसंहिता? ‘या’ विख्यात मंदिरांत नियम लागू करण्याची शक्यताराज्यातील काही मंदिरांत तोकडे कपडे घालून येणाऱ्यांना मंदिरात प्रवेश करू दिला जात नाही. त्याप्रमाणे काळाराम मंदिरातही ड्रेसकोड लागू करण्याचा निर्णय घेण्याबाबत विश्वस्त मंडळाच्या बैठकीत चर्चा करण्यात येणार असल्याचे काळाराम मंदिर संस्थानचे विश्वस्त मंदार जानोरकर यांनी सांगितले.