नेमकी घटना काय?

भोर तालुक्यातील राष्ट्रवादीचे पदाधिकारी आणि पुणे जिल्हा मध्यवर्ती बँकेचे संचालक भालचंद्र जगताप यांच्या ‘ईफोटेल’ या पंचतारांकित हॉटेलच्या उदघाट्नासाठी पुणे सातारा महामार्गावरील सारोळे अजित पवार आले होते. यावेळी त्यांनी रिबीन कापून, दीपप्रज्वलन करत उदघाट्न करून हॉटेलची पाहणी केली.

पाहणी दरम्यान हॉटेल रूम्सच्या बाथरूममध्ये असणारी स्पेस आणि शॉवरचं लोकेशन यासंबधी असणारी त्रुटी अजित पवारांच्या नजरेतून सुटू शकली नाही. त्रुटी लक्षात येताच अजित पवार यांनी हॉटेलच्या संचालकांनाच बाथरूममध्ये अंघोळ करण्याची कृती करायला सांगितली. अजितदादांच्या मिश्किल अंदाजाने उपस्थितांमध्ये एखच खसखस पिकली.

अजित पवारांच्या या चाणाक्ष नजरेला आणि त्यांचं प्रत्येक गोष्टीत असणाऱ्या बारीक निरीक्षणाला उपस्थितांनी दाद दिली. त्यांच्यामध्ये असणाऱ्या अभ्यासूवृत्तीचा आणि मिश्किलपणाचा प्रत्यय पुन्हा भोरवासियांना आला.