नाशिक : मरणोत्तर अवयव दानाचा फॉर्म भरला, डोनर कार्डही घरी कुरिअरने आलं आणि दुर्दैवाने चारच दिवसात ती वेळ आली. धुळ्यात राहणारा ३१ वर्षाचा मनीष सनेर याने अवयव दानाचा फॉर्म भरला होता. त्याला अवयव दान करण्याची इच्छा होती, परंतु तशी दुर्दैवी वेळ अवघ्या चारच दिवसात येईल, असं कोणाच्याही मनात आलं नसेल. मुंबई आग्रा महामार्गावर इगतपुरीजवळ दोन चारचाकी वाहनांचा अपघात झाला होता. या अपघातात मनीष सनेर याच्या डोक्याला गंभीर मार लागला होता. त्याला नाशिकच्या एका खाजगी रुग्णालयात दाखल करण्यात आले, मात्र त्याची प्रकृती अत्यंत नाजूक असल्याने त्या ठिकाणाहून हलवत त्याला नाशिकमधल्या अपोलो हॉस्पिटलमध्ये दाखल करण्यात आले.उपचारादरम्यान मनीष कोमात गेला आणि त्याचा मेंदू मृत अवस्थेकडे गेल्याचं डॉक्टरांच्या लक्षात आलं. त्याला तातडीने अपोलो हॉस्पिटल येथे दाखल केल्यानंतर त्याच्या सर्व प्रकारच्या तपासण्या करण्यात आल्या आणि डॉक्टरांनी त्याला ब्रेन डेड घोषित केलं. त्यामुळे मनीषच्या आई-वडिलांनी अवयव दान करण्याचा निर्णय घेतला.
३१ व्या वर्षी मनीषने अवयव दानाची इच्छा व्यक्त केली होती आणि दुर्दैवाने त्याचा अपघात झाला आणि तो ब्रेन डेड अवस्थेत गेला. त्याच्या पालकांनी आणि नातेवाईकांनी अवयव दानाची सहमती दिली, अवयव दानासाठी मनीषच्या नातेवाईकांची सहमती असल्याने अवयव दानाची प्रक्रिया सुरू करण्यात आली. शासनाच्या ZTCC या अवयवदान कमिटीला कळविण्यात आले आणि संपूर्ण कायदेशीर प्रक्रिया पूर्ण करण्यात आली.
३१ व्या वर्षी मनीषने अवयव दानाची इच्छा व्यक्त केली होती आणि दुर्दैवाने त्याचा अपघात झाला आणि तो ब्रेन डेड अवस्थेत गेला. त्याच्या पालकांनी आणि नातेवाईकांनी अवयव दानाची सहमती दिली, अवयव दानासाठी मनीषच्या नातेवाईकांची सहमती असल्याने अवयव दानाची प्रक्रिया सुरू करण्यात आली. शासनाच्या ZTCC या अवयवदान कमिटीला कळविण्यात आले आणि संपूर्ण कायदेशीर प्रक्रिया पूर्ण करण्यात आली.
अपोलो हॉस्पिटलमध्ये लगेचच किडनी प्रत्यारोपणाची शस्त्रक्रिया देखील सुरू करण्यात आली. दोन किडनी, डोळे प्रत्यारोपण करण्यात आले. भारतात अवयव दान करणाऱ्यांची संख्या कमी असून मनीष आणि त्याच्या आई-वडिलांनी घेतलेला अवयव दानाचा निर्णय हा एक समाज प्रबोधनाच्या दृष्टीने चांगलं पाऊल असल्याची भावना यावेळी डॉक्टरांनी व्यक्त केली.
पतीनिधनानंतर दुसरा आधारही हरपला, १८ वर्षांच्या मुलाचा मृत्यू, खंबीर मातेचा आदर्श निर्णय
अवयव दानाची प्रक्रिया सुखरूपपणे पार पडल्यानंतर मनीषनी घेतलेला अवयव दानाचा निर्णय आणि त्याच्या आई-वडिलांनी अत्यंत दुःखाच्या क्षणी अवयावदानाबद्दल दाखवलेली सकारात्मकता बघता मनीषला हॉस्पिटल मधील सर्व डॉक्टर्स नर्स कर्मचाऱ्यांनी उपस्थित राहून मानवंदना दिली.
हृदयद्रावक! निकालाच्या दोन दिवस आधी सारंगचा मृत्यू; दहावीचा टॉपर ६ जणांना जीवदान देऊन गेला