त्या तीन चेंडूनीच केला मुंबईचा घात, रोहित शर्माने तेव्हाच शरणागती पत्करली होती
जूनमध्ये कोकण, मराठवाडा, मध्य महाराष्ट्राचा काही भाग, विदर्भाचा काही भाग येथे जूनच्या सरासरीपेक्षा कमी पाऊस पडेल, असा अंदाज आहे. किनारपट्टीवर मान्सूनपूर्व पावसाची उपस्थिती जूनच्या पहिल्या आठवड्यात जाणवण्याची शक्यता असली तरी मान्सूनचा पाऊस कमी असू शकेल. कोकणासह मुंबईतही जूनमध्ये सरासरीपेक्षा पाऊस कमी असेल, असा अंदाज आहे. त्यामुळे पाण्याचा वापरही जपून करणे दीर्घकाळासाठी फायद्याचे ठरेल, असे मत व्यक्त करण्यात येत आहे. येत्या मंगळवारपासून शुक्रवारपर्यंत चार दिवस मुंबईसह संपूर्ण कोकण व उर्वरित महाराष्ट्रात ढगाळ वातावरणासहित तुरळक ठिकाणी किरकोळ अवकाळी पावसाची शक्यता दिसते, अशी माहिती हवामान विभागाचे निवृत्त अधिकारी माणिकराव खुळे यांनी दिली.

मध्य, दक्षिण भारतात सर्वसाधारण

‘यंदा मान्सून हंगामातील पावसाचे प्रमाण दीर्घकालीन सरासरीच्या ९६ टक्के (त्रुटी कमी- अधिक चार टक्के) राहण्याची शक्यता आहे. मान्सूनच्या पावसाची १९७१ ते २०२० या काळातील राष्ट्रीय सरासरी ८७० मिलिमीटर आहे. वायव्य भारतात यंदा मान्सूनच्या पावसाचे प्रमाण सरासरीपेक्षा कमी (दीर्घकालीन सरासरीच्या ९२ टक्क्यांपेक्षा कमी) असेल; तर ईशान्य, मध्य आणि दक्षिण भारतात हंगामी पावसाचे प्रमाण सर्वसाधारण (सरासरीच्या ९६ ते १०६ टक्के) राहील’, असे आयएमडीच्या नुमेरिकल वेदर प्रेडिक्शन (एनडब्ल्यूपी) विभागाचे प्रमुख डॉ. डी. एस. पै यांनी शुक्रवारी सांगितले. ‘मान्सून कोअर झोन म्हणून ओळखल्या जाणाऱ्या ओडिशा ते राजस्थानपर्यंतच्या मध्य भारतातील खरिपाच्या क्षेत्रात या वर्षी सर्वसाधारण पावसाची शक्यता आहे,’ असेही डॉ. पै म्हणाले.

मान्सूनवर ‘एल निनो’चे सावट

यंदाच्या मान्सून हंगामात प्रशांत महासागराचे तापमान सरासरीपेक्षा जास्त राहण्याची शक्यता असून, मान्सून हंगामातच ‘एल निनो’ विकसित होण्याची शक्यता ९० टक्क्यांपर्यंत पोचली आहे. दुसरीकडे हिंदी महासागरात पॉझिटिव्ह इंडियन ओशन डायपोलचे (आयओडी) संकेत मिळत असून, मान्सूनवरील ‘एल निनी’चा प्रतिकूल प्रभाव ‘पॉझिटिव्ह आयओडी’मुळे काही प्रमाणात कमी होऊ शकतो, असे ‘आयएमडी’चे म्हणणे आहे.

चांगला करता आले नाही तर किमान नुकसान करू नये; ईशानला जखमी करून जॉर्डन ठरला मुंबईसाठी व्हिलन