प्रतीक्षानं UPSC मध्ये साताऱ्याच्या नावाचा झेंडा फडकवत ५६० वा क्रमांक मिळवला आहे. खडतर अभ्यास करत तिनं मिळवलेल्या या यशाची चर्चा जिल्ह्यात ऐकायला मिळत आहे. सुरुवातीला २०१९ साली युपीएससीची परीक्षा तिनं दिली होती. मात्र यात तिला अपेक्षित यश मिळालं नाही.

IPL 2023: शुभमन गिलच्या बहिणीला ट्रोलर्सकडून बलात्कार, हत्येच्या धमक्या; महिला आयोगाने घेतली गंभीर दखल
२०२० ला झालेल्या परीक्षेत अवघ्या ०.७९ मार्कांनी हुलकावणी दिल्यानंतर प्रतीक्षानं झालेल्या चुका सुधारत अविरत अभ्यास केला आणि शेवटी या परीक्षेत यश संपादन केलं. कोणताही क्लास न करता हा अभ्यास प्रतीक्षा कदम हिनं केला. यामुळं तिच्या या यशाला जास्त महत्व प्राप्त झालं आहे. सातारा तालुक्यातील वळसे या छोट्या गावातील प्रतीक्षानं UPSC चा घरीच अभ्यास करत मिळवलेलं यश हे महाराष्ट्रातील इतर मुलांना प्रेरणादायी ठरणार आहे.

धक्कादायक! पती-पत्नी शेतात काम करण्यासाठी गेले, घरी परतलेच नाहीत, घटना समोर येताच संपूर्ण गाव हादरले
प्रतीक्षा कदम हिने या यशाचं श्रेय आई वडील‌ आणि भावाला दिलं‌ आहे. त्यांनी वेळोवेळी दिलेलं प्रोत्साहन हे महत्वाचं होतं. तिच्या काकांनी तसंच गावातील अनेकांनी पुस्तकांच्या स्वरुपात केलेली मदत आणि स्वत:चे अविरत प्रामाणिक प्रयत्न UPSC पास होण्यासाठी महत्वाचे ठरले, असं मत प्रतीक्षा कदम हिनं व्यक्त केलं.