बीड : बीडच्या पुरुषोत्तमपुरीत मंदिराचा जीर्णोद्धार करताना महादेवाच्या पिंडीमध्ये सोन्याचे कासव‎ सापडले आहे. हे कासव पाहण्यासाठी परिसरातील नागरिक गर्दी करत आहेत. पुरुषोत्तमपुरी येथे भगवान पुरुषोत्तमाचे देशातील एकमेव मंदिर गोदावरी नदीच्या‎ काठावर आहे. या मंदिराच्या जीर्णोद्धाराचे काम सध्या सुरू असून हे काम सुरु असतानाच ही मूर्ती सापडली आहे. या मंदिराची निर्मिती सातशे वर्षांपूर्वी राजा रामदेवराय यांनी केल्याचा इतिहास आहे.बीड जिल्ह्यात माजलगाव तालुक्यातील पुरुषोत्तमपुरी येथे देशातील एकमेव भगवान पुरुषोत्तमाचे मंदिर गोदावरी नदीच्या काठावर ७०० वर्षांपूर्वी राजा रामदेवराय यांनी बांधले होते. या पुरुषोत्तमाची अधिकमासा निमित्त एक महिनाभर जत्रा भरत असते . यावेळी देशभरातून लाखो भाविक दर्शनासाठी येत असतात.

मंदिराची होणारी पडझड, येथील भक्तांच्या होणाऱ्या गैरसोयी, याबाबत महाराष्ट्र शासनाच्या वतीने मंदिर जीर्णोद्धार व इतर कामांसाठी ५४ कोटी ५६ लाख रुपयांचा निधी विभागीय आयुक्त सुनिल केंद्रेकर यांच्या प्रयत्नाने मिळाला. त्या निधीनुसार झालेल्या टेंडर नुसार प्रत्यक्ष कामाला सुरुवात झाली. जुलै महिन्यात अधिकमास सुरु होणार असल्याने मंदिरातील भगवान पुरुषोत्तमाची मूर्ती जुन्या मंदिरातून हलवून भक्तांना दर्शनासाठी ठेवली.

आई रुग्णालयात, घरची परिस्थिती बिकट, गोंडस चेहऱ्याचा चिमुकला आईस्क्रिम विकायला निघाला
त्याच मूर्ती समोर असलेली महादेवाची पिंडही हलवली असता दि.५ मे रोजी त्या पिंडीखाली सोन्याचे कासव आढळून आले. सदरील कासव सातशे वर्षांपूर्वी पिंडी खाली ठेवले असल्याचे विश्वस्त विजय गोळेकर यांनी सांगितले.

अंबाबाई मंदिर संस्थानाला सापडला दुर्मिळ खजिना; शके १७८६ मधील हस्तलिखित ऐतिहासिक ग्रंथ

सदरील सोन्याचे कासव मंदिराच्या विश्वस्तांनी ताब्यात घेतले असता सदरील कासव जवळपास १ तोळा वजनाचे आसल्याचे सांगण्यात आले. यामुळे भाविक भक्तांनी त्या कासवाची मनेभाव पूजा केली. नवीन मंदिर उभारणी नंतर ते पुन्हा पूर्ववत पिंडीत आहे., त्या ठिकाणी ठेवण्यात येणार आहे.

Kolhapur Ambabai: करवीर निवासिनी अंबाबाईच्या चरणी ४७ तोळे सोन्याचा मुकूट दान, किंमत तब्बल…