मुंबई येथील काळा आंबा परिसरात वास्तव्य असलेले केशव रामचंद्र बालगी हे कुटुंबासोबत ताडोबाला आले होते. ताडोबात सफारीचा आनंद कुटुंब घेत होते. ताडोबातील सौंदर्य बघून सर्व आनंदित होते. याच दरम्यान केशव रामचंद्र बालगी याच्या हृदयात दुखू लागलं. पर्यटन मार्गदर्शक व वाहन चालक यांनी त्यांना तात्काळ प्राथमिक आरोग्य केंद्र मासळ येथे उपचारासाठी हलविले. तपासणीनंतर वैद्यकीय अधिकाऱ्यांनी केशव बालगी यांना मृत घोषीत केले.
ए छोटू, अपुन से पंगा से मत ले! ताडोबात बिबट्या-अस्वल आमनेसामने; जाणून घ्या फोटोमागची गोष्ट
हृदयविकाराच्या तीव्र झटका आल्याने केशव बालगी यांचा दुर्दैवी मृत्यू झाला. काही वेळापूर्वी आनंदात असलेल्या कुटुंबावर दुःखाचा डोंगर कोसळला. घटनेची माहिती मिळताच पर्यटनासाठी आलेले पर्यटकही हळहळले. ताडोबा प्रशासनाकडून मृत पर्यटकांच्या कुटुंबियाना धीर देण्यात आला. केशव रामचंद्र बालगी यांचा मृतदेह मुंबईला हलविण्यात आला आहे.