सातारा : जिल्ह्यातील कोरेगाव तालुक्यातील भोसे गावात राजकारण आणि समाजकारणात सुहास माने सक्रीय होते. आईचा वाढदिवस असल्यानं ते आनंदी होते.आईला वाढदिवसानिमित्त साडी घ्यायचं असा देखील त्यांचा मानस होता. उतारावर पार्क केलेल्या ट्रॅक्टरच्या चाकांखाली लावलेले दगड काढून ट्रॅक्टर सुरू करून चालक आसनावर उडी मारून बसताना तोल जाऊन चाकाखाली पडून ते जागीच ठार झाल्याची दुर्दैवी घटना भोसे (ता. कोरेगाव) येथे घडली. सुहास विश्वास माने याचं वय ४० वर्ष होतं.
सुहास माने यांनी आपला ट्रॅक्टर सुरू करताना लवकर सुरू होत नसे म्हणून आपल्या परड्यातील उताराच्या जागी चाकांना दगड लावून पार्क केला होता. रविवारी सकाळी सुहास माने हे ट्रॅक्टर बाहेर काढण्यासाठी परड्यात गेले. प्रथम त्यांनी ट्रॅक्टरमागे औजारे जोडली. त्यानंतर ट्रॅक्टरच्या मध्यभागी उभे राहून चाकाखालील दगड काढून उभ्याने ट्रॅक्टर सुरू करून उडी मारून ट्रॅक्टर चालक आसनावर बसताना अचानक तोल जाऊन ते ट्रॅक्टरच्या चाकाखाली पडले आणि चाक त्यांच्यावर अंगावर जाऊन अडकले. आसपास हे पाहण्यासाठी अथवा मदतीसाठी कोणीच नसल्याने बराच काळ ते ट्रॅक्टरच्या चाकाखाली गंभीर जखमी अवस्थेमध्ये अडकून पडल्याने अखेर त्यांच्यावर जागीच मृत्यूने झडप घातली.
सुहास माने यांनी आपला ट्रॅक्टर सुरू करताना लवकर सुरू होत नसे म्हणून आपल्या परड्यातील उताराच्या जागी चाकांना दगड लावून पार्क केला होता. रविवारी सकाळी सुहास माने हे ट्रॅक्टर बाहेर काढण्यासाठी परड्यात गेले. प्रथम त्यांनी ट्रॅक्टरमागे औजारे जोडली. त्यानंतर ट्रॅक्टरच्या मध्यभागी उभे राहून चाकाखालील दगड काढून उभ्याने ट्रॅक्टर सुरू करून उडी मारून ट्रॅक्टर चालक आसनावर बसताना अचानक तोल जाऊन ते ट्रॅक्टरच्या चाकाखाली पडले आणि चाक त्यांच्यावर अंगावर जाऊन अडकले. आसपास हे पाहण्यासाठी अथवा मदतीसाठी कोणीच नसल्याने बराच काळ ते ट्रॅक्टरच्या चाकाखाली गंभीर जखमी अवस्थेमध्ये अडकून पडल्याने अखेर त्यांच्यावर जागीच मृत्यूने झडप घातली.
दरम्यान, बराच वेळ ट्रॅक्टर सुरू असल्याचा आवाज कसा येतो आहे हे पाहण्यासाठी शेजारील एक महिला घटनास्थळी गेली असता ते दृश्य पाहून त्यांनी इतर लोकांना सांगितले. या घटनेची नोंद येथील पोलिसात झाली असून, अधिक तपास सुरू आहे.
IAS Transfers : सनदी अधिकाऱ्यांच्या बदल्या, नितीन करीर वित्त, तुकाराम मुंढे पशुसंवर्धन विभागात
आईचा वाढदिवस अन काळाचा घाला
भोसे गावातील राजकारण आणि समाजकारणात सुहास माने हे सक्रिय असत. त्यांच्यामागे आई, पत्नी, मुलगा, मुलगी असा परिवार आहे. आईचा वाढदिवस असल्याने घटनेपूर्वी सुहास यांनी आईचा मोबाईलवर फोटो काढून मोबाईलच्या स्टेटसला ठेवला होता. आईला नवीन साडी घेऊन येऊन आईचा वाढदिवस उत्साहात साजरा करण्याचा मनोदय व्यक्त करून ते बाहेर पडले होते. मात्र, घरातून बाहेर पडल्यानंतर काही मिनिटांत त्यांच्यावर काळाने घाला घातल्याने ग्रामस्थांत हळहळ व्यक्त होत होती.
घाईगडबडीत कर्ज हवं म्हणून अॅपवरून पैसे घेताय? थांबा ! लोन अॅप घोटाळा समजून घ्या