चंद्रपूर : चंद्रपूर जिल्ह्यातील नऊ बाजार समितीचे निकाल जाहीर झाले असून अनेक धक्कादायक निकाल हाती आले आहेत. मात्र राजुरा बाजार समितीच्या निकालात एका उमेदवाराचा बाबतीत फारच वेगळं घडलं. दोघा उमेदवारांना समसमान मते मिळाली. त्यातील एका उमेदवाराने दुसऱ्याला विजयी घोषित करण्यास सांगितलं. मात्र तसं होऊ शकत नसल्याचं निवडणूक अधिकाऱ्यांनी स्पष्ट केलं. नियमानुसार त्यांनी ईश्वर चिठ्ठी टाकली अन् ज्याने माघार घेतली होती तोच विजयी झाला. नवनाथ पिंगे असे विजयी उमेदवाराचे नाव आहे.आमदार सुभाष धोटे यांच्या राजुरा विधानसभा क्षेत्रातील राजुरा बाजार समितीत शेतकरी संघटनेचे वीस वर्षांपासून वर्चस्व होते. काँग्रेसचे आमदार सुभाष धोटे, भाजपाचे माजी आमदार अॅड. संजय धोटे, भाजप नेते तथा माजी आमदार सुदर्शन निमकर या तिघांनी एकत्र येत शेतकरी संघटनेच्या बालेकिल्ल्यावर झेंडा फडकविला. एका माजी आमदाराचा पराभव करण्यासाठी तीन आजी, माजी आमदारांनी ताकद लावली. त्यांनी उघडलेल्या या आघाडीला मोठे यश आले आहे. बाजार समितीच्या निवडणुकीत पहिल्यांदाच काँग्रेस -भाजपची युती झाली. विधानसभा क्षेत्रात शेतकरी संघटनेच्या ताब्यात असलेली एकमेव बाजार समितीवरील वर्चस्व आज संपुष्टात आले.
व्यापारी गटातून दोन जागांसाठी सहा उमेदवार
व्यापारी गटातून दोन जागांसाठी सहा उमेदवार
सहा उमेदवारांना झालेल्या मतदानात अपक्ष उमेदवार गोपाल झवर हे ३७ मते घेऊन निवडून आलेत. भाजपा-काँग्रेस युतीचे नवनाथ पिंगे व राधेश्याम अडानिया यांना समान ३१ मते मिळालीत. यात निवडणूक निर्णय अधिकारी यांनी ईश्वर चिठ्ठी केली. यात नवनाथ पिंगे हे ईश्वर चिठ्ठीने निवडून आले आहे.
वळसे-पाटलांच्या निष्ठावंताची आधी बंडखोरी, पण विजयी झाल्यानंतर उमेदवार ढसाढसा रडला
राजुरा शहरातील मोठे व्यापारी म्हणून राधेशाम अडानिया यांच्याकडे पहिल्या जाते. यामुळेच नवनाथ पिंगे यांनी राधेश्याम अडानिया यांना विजयी करण्यास काहीही हरकत नसल्याचे निवडणूक अधिकाऱ्यांना सांगितले. मात्र निवडणूक निर्णय अधिकारी यांनी कायदेशीर प्रक्रियेनुसारच निर्णय घेतल्या जाईल असं सांगितलं. त्यानंतर ईश्वर चिठ्ठी काढल्या गेली. त्यात नवनाथ पिंगे यांना विजयी घोषित करण्यात आले.
APMC Result: एका सोयऱ्याची सोबत, दुसऱ्या सोयऱ्याचा पराभव, कर्डिलेंनी चौथ्यांदा सत्ता राखली