जुन्नर : जुन्नर तालुक्यातील वडगाव आनंद येथील एका शेतकरी कुटुंबातील चारही बहीण – भावांची पोलीस दलात निवड झाली आहे. चारही मुलांनी पोलीस दलात जाण्याचं स्वप्न बापाने पाहिलं होतं आणि त्या चारही मुलांनी वडिलांचं स्वप्न पूर्ण करुन दाखवलं आहे. वडिलांचे स्वप्न पूर्ण झाल्याचा त्यांना अतिशय आनंद आहे. दिपक गाडेकर, अंकिता गाडेकर, सारिका गाडेकर आणि आशा गाडेकर अशी या चार भावंडांची नावं आहेत.
जुन्नर तालुक्यातील वडगाव आनंद परिसरात विजय गाडेकर यांचं कुटुंब राहतं. त्यांचा मुळचा व्यवसाय शेती आहे. घराची परिस्थिती हालाखीची… परिस्थितीमुळे आपल्याला शिकता आलं नाही, पण आपल्या मुलांना आपण सरकारी नोकरीत म्हणजे पोलीस खात्यात भरती करायचं असं त्यांचं स्वप्न होतं. त्यानुसार त्यांनी चारही मुलांना पाठींबा देत पोलीस भरतीच्या तयारीसाठी सह्याद्री नावाच्या करिअर अकॅडमीमध्ये पाठवलं.
जुन्नर तालुक्यातील वडगाव आनंद परिसरात विजय गाडेकर यांचं कुटुंब राहतं. त्यांचा मुळचा व्यवसाय शेती आहे. घराची परिस्थिती हालाखीची… परिस्थितीमुळे आपल्याला शिकता आलं नाही, पण आपल्या मुलांना आपण सरकारी नोकरीत म्हणजे पोलीस खात्यात भरती करायचं असं त्यांचं स्वप्न होतं. त्यानुसार त्यांनी चारही मुलांना पाठींबा देत पोलीस भरतीच्या तयारीसाठी सह्याद्री नावाच्या करिअर अकॅडमीमध्ये पाठवलं.
तीन फूट उंची, पण कर्तृत्व उत्तुंग शिखराएवढं; तिने जिद्दीने उभारला व्यवसाय, पूजा घोडकेची प्रेरणादायी गोष्ट
त्या करिअर अकॅडमीचे शिक्षक मयूर डुंबरे आणि अनिकेत घोडेकर यांनी देखील मेहनत घेत त्यांना इथपर्यंत पोहचण्यास मदत केली. वडिलांचं स्वप्न पूर्ण झाल्यामुळे त्यांच्या चेहऱ्यावर एक वेगळाच आनंद आहे. या चारही भावंडांची महाराष्ट्र पोलीस दलात नियुक्ती झाली आहे.
या चारही भावंडांना पहिल्यापासूनच शालेय जीवनात अभ्यासाची गोडी होती. आपण काहीतरी करू शकतो अशी जिद्दही त्यांना होती. त्यांचं शालेय शिक्षण जिल्हा परिषद प्राथमिक शाळा वडगाव आनंद, उच्च शिक्षण बाळासाहेब जाधव महाविद्यालय आळे या ठिकाणी पूर्ण केलं.
घरात संकटांचा डोंगर, दिव्याखाली अभ्यास करुन डॉक्टर झाली; धाराशिवच्या महिलेची प्रेरणादायी गोष्ट
सर्वात आधी आशा गाडेकर यांची २०१४ साली यांची पुणे शहर पोलीस दलात नियुक्ती झाली. त्यानंतर सारिका गाडेकर यांची २०११ साली पुणे शहर पोलीस दलात नियुक्ती झाली. या दोघी देखील विवाहित असून सध्या त्या पुण्यामध्ये स्थायिक आहेत. त्यानंतर या वर्षी अंकिता गाडेकर आणि तिचा भाऊ दिपक गाडेकर हे दोघे देखील पोलीस दलात रुजू झाले आहेत. अकिंता ही पुणे शहर पोलीस दलात कार्यरत होणार आहे, तर दीपक हा रायगड पोलिसात रुजू होणार आहे.
तीन मैत्रिणींनी लग्नानंतर पाहिलं खाकीचं स्वप्न; संसार सांभाळून जिद्दीनं आज पोलिसात भरती
एकामागे एक चारही भावंडांनी महाराष्ट्र पोलीस दलामध्ये भरती होऊन एक आदर्श समाजापुढे निर्माण केला आहे. आई-वडिलांच्या अथक कष्टाचं चीज या चारही मुलांनी केलं आहे. जुन्नर तालुक्यातल्या वडगाव आनंद या ठिकाणी वास्तव्यास असणाऱ्या या कुटुंबाचं नाव त्यांनी मोठं केलं. तसंच आपल्या आई वडिलांना अभिमान वाटेल अशी कामगिरी केली आहे. सर्व परिसरातून आणि वडगाव आनंद ग्रामस्थांकडून चारही भावंडांचं कौतुक केलं जात आहे.