नोएडा: विस्तारा एअरलाइन्सच्या व्यवस्थापकाने पार्किंगमध्ये उभ्या असलेल्या कारमध्ये आत्महत्या केल्याची धक्कादायक घटना घडली आहे. ग्रेटर नोएडा वेस्टच्या लॉ रेसिडेन्शिया सोसायटी ही घटना घडली. या घटनेमुळे सोसायटी परिसरात एकच खळबळ उडाली आहे. तात्काळ पोलिसांना याबाबतची माहिती देण्यात आली. पोलिस घटनास्थळी पोहोचले असता त्यांना कार आतून बंद असल्याचे दिसून आले. त्यांनी दुसरी डुप्लिकेट चावी मागवून गाडीचे दार उघडले आणि व्यवस्थापकाचा मृतदेह बाहेर काढण्यात आला.घटनास्थळावरून पोलिसांना काळ्या हिटच्या (विषारी पदार्थाच्या) बाटलीसह सुसाईड नोट सापडली आहे. यात त्यांनी जीवनाला कंटाळून आत्महत्या केल्याचे लिहिले आहे. पोलिसांनी मृतदेह ताब्यात घेऊन शवविच्छेदनासाठी पाठवून पुढील कारवाई सुरू केली. निशांत असं आत्महत्या केलेल्या एअरलाइन्स व्यवस्थापकाचं नाव आहे.
तोंडात कपडा घातला, केमिकलने जाळलं, गळा आवळला; पोटच्या पोरीसोबत बापाचं भयंकर कृत्य, कारण काय?
आईनेही काही महिन्यांपूर्वी आत्महत्या केली होती
तोंडात कपडा घातला, केमिकलने जाळलं, गळा आवळला; पोटच्या पोरीसोबत बापाचं भयंकर कृत्य, कारण काय?आईनेही काही महिन्यांपूर्वी आत्महत्या केली होती
निशांत हा मूळ दिल्लीतील कृष्णा नगर येथील आहे. ग्रेटर नोएडा वेस्टमधील लॉ रेसिडेन्शिया सोसायटीच्या टॉवर क्रमांक २ मध्ये निशांत त्याचे वडील चंद्रमोहन यांच्यासोबत राहत होता. निशांतचे गेल्या अनेक महिन्यांपासून पत्नीसोबत भांडण सुरू होते. निशांतची पत्नी त्यांच्या ६ वर्षांच्या मुलासोबत राजस्थानमधील कोटा येथे तिच्या माहेरच्या घरी राहत आहे. काही काळापूर्वी निशांतच्या आईनेही आत्महत्या केल्याचे सांगितले जात आहे. तेव्हापासून तो तणावात होता, अशी माहिती आहे.
नात्यातल्या मुलासोबत १९ वर्षीय तरुणीचे शारीरिक संबंध, स्वछतागृहात बाळाला जन्म देऊन कमोडमध्ये फेकलं!
ऑफिसला निघाल पण गेला नाही
निशांत गुरुवारी त्याच्या गुरुग्राम येथील कार्यालयात जाण्यासाठी निघाला होता. मात्र, तो सोसायटीतून बाहेर पडलाच नाही. त्याने टॉवरच्या पार्किंगमध्ये उभ्या असलेल्या कारमध्ये जाऊन आत्महत्या केली. बिसरख पोलिस स्टेशनचे क्षेत्र प्रभारी अनिल राजपूत यांनी सांगितले की, विस्तारा एअरलाइन्सचे व्यवस्थापक निशांत यांचा मृतदेह त्यांच्याच कारमध्ये लॉ रेसिडेन्शिया सोसायटी टॉवर क्रमांक १४ च्या पार्किंगमध्ये आढळून आला. त्यांच्या जवळ एक सुसाईड नोटही सापडली आहे.
कार आतून लॉक होती, डुप्लिकेट चावीने गाडी उघडून मृतदेह बाहेर काढण्यात आला. पोलिसांना घटनास्थळावरून काळ्या रंगाची बाटली आणि एक सुसाईड नोटही सापडली. त्यात त्याने जीवनाला कंटाळून आत्महत्या करत असल्याचं लिहिले आहे.
हृदय गायब, तरी डॉक्टर म्हणाले हार्टअटॅक; ४ वर्षांनी पुन्हा खोदण्यात आली मॉडेलची कबर, अन्…