यवतमाळ : ठाकरे गटाचे नेते संजय देशमुख यांनी शिंदे फडणवीस सरकारमधील मंत्री संजय राठोड यांना बाजार समिती निवडणुकीत अस्मान दाखवलं आहे. दिग्रस बाजार समितीवर महाविकास आघाडीची सत्ता आली आहे. मविआ नेते संजय देशमुख, माणिकराव ठाकरे यांच्या नेतृत्वाखाली परिवर्तन महाविकास आघाडीला १८ पैकी १४ जागी विजयी मिळाला आहे.
माणिकराव ठाकरेंच्या साथीने देशमुखांनी बाजार समितीचा किल्ला भेदला-संजय राठोडांचा पराभव
दिग्रस येथील बाजार समितीच्या निवडणुकीत पालकमंत्री संजय राठोड यांच्याविरुद्ध माजी राज्यमंत्री संजय देशमुख यांच्या पॅनलमध्ये लढत होती. त्यामध्ये माजी राज्यमंत्री संजय देशमुख यांच्या नेतृत्वातील शेतकरी परिवर्तन महाविकास आघाडी पॅनलचे १८ पैकी १४ उमेवार विजयी झाल्याने संजय राठोड यांना मोठा धक्का बसला. जय राठोड गटाचे केवळ ४ संचालक निवडून आले आहेत. ठाकरे गटाचा हा मोठा विजय मानला जातोय.
माणिकराव ठाकरेंच्या साथीने देशमुखांनी बाजार समितीचा किल्ला भेदला-संजय राठोडांचा पराभव
दिग्रस येथील बाजार समितीच्या निवडणुकीत पालकमंत्री संजय राठोड यांच्याविरुद्ध माजी राज्यमंत्री संजय देशमुख यांच्या पॅनलमध्ये लढत होती. त्यामध्ये माजी राज्यमंत्री संजय देशमुख यांच्या नेतृत्वातील शेतकरी परिवर्तन महाविकास आघाडी पॅनलचे १८ पैकी १४ उमेवार विजयी झाल्याने संजय राठोड यांना मोठा धक्का बसला. जय राठोड गटाचे केवळ ४ संचालक निवडून आले आहेत. ठाकरे गटाचा हा मोठा विजय मानला जातोय.
शुक्रवारी मतदान प्रक्रियेत १०१८ पैकी ९८८ मतदारांनी मतदानाचा हक्क बजावला. दिग्रस कृषी उत्पन्न बाजार समितीच्या सोसायटी गटात ३२३ पैकी ३१७, ग्रामपंचायत गटात ४७६ पैकी ४७१, अडते व्यापारी गटात ८२ पैकी ७७ आणि हमाल मापारी गटात १३७ पैकी १२३ मतदारांनी हक्क बजावला. एकूण मतदान १०१८ पैकी ९८८ इतके झाल्याचे निवडणूक अधिकाऱ्याकडून जाहीर करण्यात आले. मतदानानंतर मतमोजणीची प्रक्रिया पार पडली.
शरद पवार म्हणाले, भाकरी फिरवणार, पुढच्या काही तासातच रोहित पवारांची मोठ्या पदावर शिफारस!
जिल्ह्यातील सात बाजार समित्यांसाठी शुक्रवारी मतदान झाले. तसेच मतदानानंतर मतमोजणीला सुरुवात झाली. यामध्ये काही बाजार समित्यांचे निकाल घोषित झाले तर काही ठिकाणी मतमोजणी उशीरापर्यंत सुरू होती. निकाल जाहीर झाल्यानंतर ‘कही खुशी कही गम’असे चित्रसहकार क्षेत्रात पहायला मिळाले. विजयी उमेदवारांसह कार्यकर्त्यांनी गुलाल उधळत व फटाक्यांची आतषबाजी करीत जल्लोष केला.जिल्ह्यातील यवतमाळ, दिग्रस, नेर, बाभूळगाव, वणी, पुसद, महागाव बाजार समित्यांसाठी शुक्रवारी मतदान झाले. त्यामध्ये एकूण १० हजार १९१ पैकी ९ हजार ६९४ मतदारांनी मतदानाचा हक्क बजावला.
सात बाजार समित्यांच्या मतदानाची एकूण टक्केवारी ९५.१२३१ टक्के इतकी आहे. दारव्हा, बोरी अरब, राळेगाव, मारेगाव, झरी, कळंब, घाटंजी, आर्णी बाजार समितीसाठी मतदान घेण्यात येणार आहे. यवतमाळ बाजार समितीच्या निवडणुकीत भाजपा, राष्ट्रवादीने स्वतंत्र पॅनल उभे केले होते तर काँग्रेस आणि शिवसेना उद्धव ठाकरे गटाने युती करीत पॅनल लढविले. तीन पॅनल निवडणुकीच्या रिंगणात उतरल्याने चांगलीच चुरस रंगली होती. अपक्ष उमेदवारही नशिब आजमावित होते. यामध्ये ११ काँग्रेस व ठाकरे सेना, चार भाजपा, तीन अपक्ष विजयी झाले.
सात बाजार समित्यांत असे झाले मतदान
जिल्ह्यातील यवतमाळ, दिग्रस, नेर, बाभूळगाव, वणी, पुसद, महागाव बाजार समित्यांसाठी शुक्रवारी मतदान झाले. त्यामध्ये सेवा सहकारी गटात ३४६३ पैकी ३३६३ उमेदवारांनी मतदानाचा हक्क बजावला. त्याची टक्केवारी ९७.११ टक्के, ग्रामपंचायत गटात ४५२८ पैकी ४२८७ मतदान तर टक्केवारी ९४.६७७६ इतकी आहे. व्यापारी अडते गटात ९१३ पैकी ८८२ मतदान तर टक्केवारी ९६.६०४६ टक्के आणि हमाली मापारी गटात १२८७ पैकी ११६२ मतदारांनी मतदान केले. त्याची टक्केवारी ९०.२८७५ इतकी आहे. एकूण १०१९१ पैकी ९६९४ मतदारांनी मतदानाचा हक्क बजावला. त्याची टक्केवारी ९५.१२३१ टक्के आहे.
पुसदमध्ये माजी मंत्री मनोहर नाईक विरुद्ध भाजपाचे आ. निलय नाईक यांच्या पॅनलमध्ये लढत झाली. यामध्ये मनोहर नाईक यांच्या पॅनलचे तर आ. निलय नाईक यांच्या पॅनलचे उमेदवार विजयी झाले. वणीत महाविकास आघाडीविरुद्घ भाजपा-शिंदे गट युती अशी लढत होती. त्यामध्ये महाविकास आघाडी पॅनलचे तर युतीचे उमेदवार विजयी झाले. निकालानंतर विजयी उमेदवारांसह कार्यकर्त्यांनी जल्लोष केला.
बाभूळगावमध्ये महाविकास आघाडीचा विजय
येथील बाजार समितीच्या निवडणुकीत महाविकास आघाडी विरुद्घ भाजपा, शिंदे गटात लढत झाली. निकालामध्ये महाविकास आघाडीचे ११ उमेदवार विजयी झाले. अडते-व्यापारी मतदारसंघात काँग्रेसचे दोन विजयी झाले तर एक यापूर्वीच बिनविरोध झाला होता. भाजपा, शिंदेच्या शिवसेना युतीला अवघ्या चार जागा मिळाल्या. निकालानंतर महाविकास आघाडीच्या कार्यकर्त्यांनी गुलाल उधळत जल्लोष केला.