दिल्लीत मुख्यमंत्री बदलण्याच्या हालचाली, तणावामुळे एकनाथ शिंदे ठाण्यात बसून, मंत्रालयात जात नाहीत: संजय राऊत

तर दुसरं कारण म्हणजे राज्यातील सरकार कायम राहावं यासाठी भाजप प्लॅन बी करत आहे. त्यामध्ये अजित पवारांना सोबत घेऊन सरकार स्थापन करण्यासाठी प्रयत्न सुरु असल्याच्या चर्चा आहे. भाजपने अजित पवारांना सोबत घेण्याची चर्चा कदाचित शिंदे यांना पटली नसावी. त्यामुळे ते काही दिवस सुट्टीवर गेल्याचा अंदाज अनेकांनी वर्तविला आहे.

भावी मुख्यमंत्री देवेंद्र फडणवीस! महाराष्ट्रातील राजकीय घडामोडींना वेग, नागपुरातील बॅनर्समुळे तर्कवितर्कांना उधाण

तिसरं कारण म्हणजे खारघर दुर्घटनेत १४ श्रीसेवकांचा उष्माघाताने मृत्यू झाला आहे. शक्तीप्रदर्शनाच्या प्रयत्नात श्रीसेवकांचा मृत्यू झाल्याच्या आरोप विरोधकांनी केला. प्रकरण हायकोर्टात गेल्यानेही मुख्यमंत्री चिंतेत असल्याचे सांगितले जाते. एकीकडे राज्यात उलट सुलट चर्चा सुरु असताना भाजपचे राज्यातील वरिष्ठ नेते कर्नाटकात आहेत. तेथील निवडणुकीच्या प्रचारासाठी उपमुख्यमंत्री देवेंद्र फडणवीस, गिरीश महाजन, आशिष शेलार, प्रवीण दरेकर आणि प्रसाद लाड हे कर्नाटकमध्ये गेले आहेत. त्यामुळे मुख्यमंत्र्यांवर दबाव वाढत चालला होता. याच दबावातून देखील ते रजेवर असल्याची चर्चा होत असून विविध तर्कवितर्क लावण्यात येत आहेत.