आमचे हे फोनच घेत नाहीत, वैद्यकीय अधिकाऱ्याच्या पत्नीचा फोन, हॉटेल विठ्ठलमध्ये घडलेलं भयंकर
ध्रुवनगर परिसरातील मोतीवाला वैद्यकीय महाविद्यालयात योगेश बोबडे हा होमिओपॅथी अभ्यासक्रमाच्या पदवीचे शिक्षण घेत होता. महाविद्यालयाच्या मागील बाजूस असलेल्या एका गृह प्रकल्पात भाडे तत्तत्वावर खोली घेत योगेश व त्याचे मित्र राहत होते. काही महिन्यांपासून त्याला आजारपणामुळे हातात सातत्याने ‘क्रॅम्प’ यायचे. त्यामुळे नुकत्याच सुरू झालेल्या लेखी परीक्षेत त्याला उत्तरे लिहिणे अवघड झाले. परीक्षेवेळी त्याला हात सुन्न पडला. त्यामुळे योगेशचा मानसिक तणाव अधिक वाढत गेला.

परीक्षेत अनुत्तीर्ण होण्याच्या भीतीसह आजारपणामुळे अधिक वैफल्यग्रस्त झालेल्या योगेशने मंगळवारी दुपारी राहत्या खोलीत गळफास घेत जीवन संपवले. दरम्यान, योगेशने आत्महत्येपूर्वी लिहिलेल्या चिठ्ठीत या कारणांचा उल्लेख केला आहे. त्यावरुन गंगापूर पोलिसांनी अकस्मात मृत्यू नोंदवून तपास सुरू केला आहे. त्याच्या आत्महत्येनंतर महाविद्यालयीन विद्यार्थ्यांनी सिव्हिलमध्ये गर्दी केली. योगेशचे कुटुंबीय रात्री उशिराने गावावरुन नाशिकमध्ये दाखल झाले.

३० वर्षीय तरुणीचे ५५ वर्षीय विवाहित पुरुषासोबत लिव्ह-इन, २२ वर्षीय तरुणाशी सूत जुळलं न्…