नाशिक :नाशिक जिल्ह्यातील सिन्नर तालुक्यात कर्जाच्या विवंचनेतून शेतकऱ्याने आत्महत्या केल्याची दुर्दैवी घटना घडली आहे. बँक व खासगी बचत गटाच्या कर्जाच्या विवंचनेतून सिन्नर तालुक्यातील पूर्व भागातील श्रीरामपूर (शिंदेवाडी) येथील श्रीरामपूर ग्रामपंचायतीचे माजी सरपंच असलेले राजेंद्र सखाराम खाडे (वय ५० वर्षे) यांनी आत्महत्या करून आपले जीवन संपविले आहे.राजेंद्र खाडे यांनी कर्जाच्या विवंचनेतून मक्यावरील लष्करी अळीचा प्रतिबंध करण्यासाठी वापरले जाणारे प्रोफेक्स कीटकनाशक सेवन करून आत्महत्या करत आपले जीवन संपवले आहे. खाडे यांनी बँकेतून सन २०१५ मध्ये दोन लाख रुपये कर्ज घेतले होते. तसेच सन २०१६ मध्ये स्वतःचे घर जामीन देऊन घरावर बोजा चढवून एका खाजगी फायनान्स कंपनीकडून दीड लाख रुपये कर्ज घेतले. या बरोबरच खासगी बचत गटाकडून त्यांनी चाळीस हजार रुपयांचे कर्ज घेतले. तसेच वीज वितरण कंपनीचे दीड लाख रुपये विद्युत बिल त्यांच्या नावावर थकीत आहे. या नैराश्यातून त्यांनी आत्महत्या केल्याची माहिती मिळत आहे.

धक्कादायक! एकटेच पेंशन खाता, मला देत नाही; निवृत्त डीवायएसपींना मुलाची मारहाण, पत्नीने पकडले हात
दरम्यान खाडे यांनी कीटकनाशक प्राशन केल्यानंतर त्यांना उपचारासाठी रुग्णालयात दाखल करण्यात आले होते. मात्र उपचारादरम्यान त्यांचा मृत्यू झाला. आत्महत्याग्रस्त शेतकऱ्याच्या व त्यांच्या वडिलांच्या संयुक्त नावावर चार एकर जमीन आहे. विहिरीसाठी शिंदेवाडी गावालगत दोन गुंठे जागा घेतलेली आहे.

शेतकरी कुटुंबावर कोसळला दु:खाचा डोंगर

राजेंद्र खाडे यांच्या मृत्यने खाडे कुटुंबावर मोठा दुःखाचा डोंगर कोसळला असून त्यांच्या पश्चात पत्नी छाबाबाई, मुलगा समाधान व कविता, जयश्री, योगिता, स्वाती या चार विवाहित मुली असा परिवार आहे.

धुळे कृषी उत्पन्न बाजार समिती निवडणुकीची चुरस वाढली; कोण बाजी मारणार, आघाडी की भाजप?
एकीकडे अवकाळी पावसामुळे शेतकऱ्यांचे अतोनात नुकसान झालेले असताना शेतकरी मोठ्या संकटात सापडला आहे. असे असताना आता नाशिकच्या सिन्नर तालुक्यातील माजी सरपंच असलेले राजेंद्र खाडे यांनी आर्थिक विवंचनेतून कर्जामुळे आत्महत्या केल्याने सर्वत्र हळहळ व्यक्त केली जात आहे.

सांगलीत थरार, सराईत गुन्हेगाराचा दुचाकीवरून पाठलाग करत साधला डाव, शहरात खळबळ