डोळासणे येथील महामार्ग पोलीसांनी अपघाताबद्दल सांगितले की, संतोष नारायण शिंदे (रा. उंब्रज ता.जुन्नर जि.पुणे) हा ट्रॅक्टरचालक आपला ट्रॅक्टर घेऊन आळेफाटामार्गे संगमनेरच्या दिशेने जात होता. गुरूवारी सकाळी पुणे-नाशिक राष्ट्रीय महामार्गावरील डोळासणे शिवारात पाठीमागून भरधाव वेगात येणाऱ्या पिकअप व्हॅनने ट्रॅक्टरला जोराची धडक दिली. या अपघातात ट्रॅक्टरचालक संतोष नारायण शिंदे जागीच ठार झाला. अघातामुळे ट्रॅक्टरचे चक्क दोन तुकडे झाले. व्हॅनचालक तेथून पळून गेला. अपघात झाला तेव्हा काही मुले रस्ताने पायी जात होती. त्यांनाही या वाहनांची धडक बसली. त्यामुळे अनुराग बाबाजी गोडे, अपेक्षा दत्तात्रय गोडे, राणी लहु लोहकरे हे तिघे जखमी झाले.

पिकअप अन् कंटेनरची धडक, एकाचा मृत्यू, दोन दिवसांनी ठरणार होतं लग्न; आई-बापाचा एकुलता एक लेक गेला

अपघाताची माहिती समजताच परिसरातील नागरिकांनी घटनास्थळी धाव घेतली. रुग्णवाहिकेतून जखमींना संगमनेर येथील खासगी रुग्णालयात दाखल करण्यात आले. डोळासणे महामार्गाचे सहायक पोलीस निरीक्षक सचिन सुर्यवंशी, पंढरीनाथ पुजारी, भरत गांजवे यांनी घटनास्थळी धाव घेतली. त्यानंतर टोलनाक्याचे कर्मचारीही क्रेन घेऊन घटनास्थळी दाखल झाले. क्रेनच्या मदतीने अपघातग्रस्त ट्रॅक्टर महामार्गावरून बाजूला घेण्यात आला. अपघातानंतर व्हॅनचालक पळून गेला असून त्याचा शोध घेण्यात येत आहे.