कोल्हापूर: माजी गृहराज्यमंत्री तथा काँग्रेसचे विधान परिषदेचे गटनेते आमदार सतेज पाटील यांच्या ५१ व्या वाढदिवसानिमित्त शुभेच्छा देण्यासाठी त्यांच्या निवासस्थानी कार्यकर्त्यांनी सकाळपासूनच गर्दी केली आहे. सध्या श्री छत्रपती राजाराम साखर कारखान्याची निवडणुकीची रणधुमाळी सुरू असून सतेज पाटील विरुद्ध महाडिक असा सामना रंगला असल्याने कोल्हापूरचे राजकारण चांगलेच तापले आहे. या निवडणुकीची झलक आज सतेज पाटील यांच्या कार्यक्रमातही दिसून आला. कार्यक्रमात व्यासपीठावर समोर ठेवण्यात आलेला ऊस आणि त्यावरील लिहिलेले पोस्टर सर्वांचे लक्ष वेधून घेत होते.सतेज पाटील यांच्या वाढदिवसानिम्मित सभासदांपर्यंत पोहोचण्याची संधी सोडली त्यांनी सोडलेली नाहीये. पेरा पेराचा कंडका पाडायचा परिवर्तनाचा गुलाल उधळायचा, अशी पोस्टरबाजी करण्यात आलीये. बंटी पाटील शुभेच्छा स्वीकारताना अनेक जण राजारामसाठी देखील शुभेच्छा देत होते. दुसरीकडे कर्नाटकमध्ये सुरू असलेल्या निवडणुकीच्या संदर्भात देखील सध्या कर्नाटकात ४० टक्के कमिशन ही प्रथा पडल्याने लोक कंटाळाली आहेत. वेगवेगळ्या पक्षातील २२ महत्त्वाचे लोक काँग्रेस पक्षात आले आहेत, कर्नाटकमध्ये काँग्रेस सत्तेवर येईल, असा विश्वासही पाटील यांनी यावेळी व्यक्त केला.
२८ एप्रिलला वज्रमूठ सभा
सध्या श्री छत्रपती राजाराम सहकारी साखर कारखान्याची रणधुमाळी सुरू असून या निमित्ताने आरोप प्रत्यारोपांच्या फैरी झडत आहेत. आज आमदार सतेज पाटील यांचा वाढदिवस असल्याने वाढदिवसानिमित्त भेटायला आलेल्या सभासद आणि कार्यकर्त्यांना राजारामच्या प्रचाराच संधी सोडली नाही. तसेच येत्या २८ एप्रिल रोजी कोल्हापुरात महाविकास आघाडीची वज्रमुठ सभा होत असून या सभेची संपूर्ण जबाबदारी आमदार सतेज पाटील यांच्यावर देण्यात आली आहे. कोल्हापूर शहरातील गांधी मैदान येथे सभा होणार असून या सभेसाठी मी, आमदार हसन मुश्रीफ, आणि जिल्हाप्रमुख संजय पवार यांच्या सर्वांच्या वतीने आम्ही ही सभा यशस्वी करू असा विश्वास आहे त्यांनी यावेळी व्यक्त केला आहे.तर माजी ग्रामविकास मंत्री हसन मुश्रीफ यांच्यावर सुरू असलेल्या ईडी कारवाई आणि मुंबई सत्र न्यायालयाने दिलेल्या निकालाबाबत देखील त्यांनी भाष्य केले असून हसन मुश्रीफ यांच्यावर झालेली कारवाई ही दुर्दैवी असून आज सकाळी मला शुभेच्छा देण्यासाठी त्यांचा फोन आला होता. यावेळी आम्ही तुमच्या सोबत आहोत असा धीर देखील दिला असून राजकारणातून मुश्रीफ यांच्यावर चिखलफेक केली जात असून हे समाजाच्या दृष्टीने देखील चुकीचं आहे असे ते म्हणाले आहेत.
