पुणे : जिल्ह्यातील इंदापूर तालुक्यातील जंक्शन आणि शेळगाव येथे दोन वेगवेगळ्या ठिकाणी दोन अपघात झाल्याच्या घटना घडल्या आहेत. या अपघातात तिघांचा मृत्यू झाला.आज सकाळी नऊ वाजता जंक्शन येथे तर दहा वाजता शेळगाव येथे अपघात झाल्याती माहिती समोर आली आहे.
मिळालेल्या माहितीनुसार,पहिल्या अपघातात शेतकऱ्याचा मृत्यू जंक्शन येथे कळस रस्त्यावरील खरजुलवस्ती परिसरात सकाळी नऊ वाजता झालेल्या अपघातात झाला. टाटा इंट्रा आणि सायकलचा अपघात झाला. या अपघातात भरणेवाडी येथील मारुती उर्फ लालासाहेब शंकर धातुंडे (वय अंदाजे ५२) यांचा जागीच मृत्यू झाला आहे. धातुंडे हे आपल्या सायकलने शेतातून घरी निघाले होते. खरजुलवस्ती दरम्यान पाठीमागून वेगाने आलेल्या टाटा इंट्रा गाडीने धातुंडे यांना पाठीमागून जोराची धडक दिल्याने त्यांचा जागीच मृत्यू झाला. संबंधित वाहनचालक घटनास्थळावरून पळून गेल्याची माहिती मिळाली.दुसऱ्या अपघातात दोघांचा मृत्यू…
पेन्शन काढण्यासाठी गेले अन् परतलेच नाहीत…
मिळालेल्या माहितीनुसार,पहिल्या अपघातात शेतकऱ्याचा मृत्यू जंक्शन येथे कळस रस्त्यावरील खरजुलवस्ती परिसरात सकाळी नऊ वाजता झालेल्या अपघातात झाला. टाटा इंट्रा आणि सायकलचा अपघात झाला. या अपघातात भरणेवाडी येथील मारुती उर्फ लालासाहेब शंकर धातुंडे (वय अंदाजे ५२) यांचा जागीच मृत्यू झाला आहे. धातुंडे हे आपल्या सायकलने शेतातून घरी निघाले होते. खरजुलवस्ती दरम्यान पाठीमागून वेगाने आलेल्या टाटा इंट्रा गाडीने धातुंडे यांना पाठीमागून जोराची धडक दिल्याने त्यांचा जागीच मृत्यू झाला. संबंधित वाहनचालक घटनास्थळावरून पळून गेल्याची माहिती मिळाली.
दुसऱ्या अपघातात दोघांचा मृत्यू…
सकाळी दहा वाजण्याच्या सुमारास इंदापूर बारामती रस्त्यावर शेळगाव हद्दीत क्रेन (एमएच १४ सीएम ०७०९) आणि दुचाकी (एमएच ४२ यु २०१६) मध्ये झालेल्या अपघातात दुचाकीवरील बाबुराव जगन्नाथ कोकरे (वय ७०) व संजय रखमाजी कुंभार (वय ४९, दोघेही रा. टाकळी, ता. माढा, जि. सोलापूर यांचा मृत्यू झाला.
पेन्शन काढण्यासाठी गेले अन् परतलेच नाहीत…
बाबुराव जगन्नाथ कोकरे हे पाटस येथील साखर कारखान्यातून निवृत्त झाले होते. ते त्यांची पेन्शन काढण्यासाठी सकाळी दुचाकीवरून पाटसकडे निघाले होते. मात्र त्यांच्यावर काळाने घात केला.
शेळगाव येथून जात असताना समोरून येत असलेल्या क्रेन चालकाने क्रेन विरुद्ध दिशेने थेट अंगावर आणल्याने दुचाकी क्रेनखाली गेली. त्यामुळे अपघात होऊन त्यामध्ये कोकरे यांचा जागीच मृत्यू झाला तर कुंभार यांना उपचारासाठी इंदापूर येथे नेले असताना त्यांचाही मृत्यू झाल्याचे डॉक्टरांनी सांगितले. अवघ्या एका तासाच्या फरकात केवळ पाच किलोमीटर अंतरावर झालेल्या अपघातात तिघांना आपले प्राण गमवावे लागल्याने परिसरात हळहळ व्यक्त होत आहे.
वडील इलेक्ट्रिशियन, क्रिकेट किटसाठी उधारी; कोचचा आधार, आता मुलाची IPL मध्ये धडाकेबाज कामगिरी
घाईगडबडीत कर्ज हवं म्हणून अॅपवरून पैसे घेताय? थांबा ! लोन अॅप घोटाळा समजून घ्या