मराठा सेवा संघाकडून निषेध

नाशिक येथील काळाराम मंदिरामध्ये छत्रपती शाहू महाराजांच्या वंशज असलेल्या संयोगिताराजे भोसले यांच्यासोबत जो प्रकार घडला त्याचा निषेध मराठा सेवा संघ करत असल्याचं अध्यक्ष पुरुषोत्तम खेडेकर यांनी म्हटलं आहे. तसेच आता मंदिरे ब्राह्मणमुक्त करण्याची वेळ आली आहे, ब्राह्मणांच्या ऐवजी मंदिरात बहुजन सामजातील मुला-मुलींची नियुक्ती करावी अशी मागणीही त्यांनी यावेळी केली. खेडेकर यांच्या या वक्तव्यानं आता नवा वाद निर्माण होण्याची शक्यता आहे.

संयोगिताराजेंचं कौतुक, महंतांनी कोल्हापूरला यावंच, तिथे काय घडलं सांगतो: संभाजीराजे छत्रपती

राज्यातील मंदिरातील ब्राह्मण पुजारी हटवा: पुरुषोत्तम खेडेकर

नाशिक येथील काळाराम मंदिरातील पुराणोक्त वेदोक्त प्रकरणानंतर मराठा सेवा संघाने जाहीर केली भूमिका. यावेळी संघटनेचे अध्यक्ष पुरुषोत्तम खेडेकर यांनी राज्यातील सर्व मंदिरांमधून ब्राह्मण पुजारी हटवण्याची मागणी केली. सर्व मंदिर भटमुक्त करून मंदिरांचे राष्ट्रीयीकरण करा, असे त्यांनी म्हटले. देवस्थांनांचा पैसा गरीब मुला-मुलींच्या शिक्षणासाठी वापरावा. मंदिर भटमुक्त करण्यासाठी पुढील काळात राज्यात तीव्र आंदोलन करणार असल्याचे खेडेकर यांनी म्हटले.