मुंबई : गेल्या काही दिवसांपासून भारतातील आणि विशेषत: महाराष्ट्रातील ख्रिश्चन समुदायातील व्यक्ती, कर्मचारी, चर्च आणि संस्थांवर अन्याय होत असल्याच्या घटना समोर येत आहेत. या घटनांविरोधात आवाज उठवण्यासाठी ख्रिश्चन समुदायाकडून निषेध रॅलीचं आयोजन करण्यात आलं आहे. ही रॅली शांततामय मार्गानं मुंबईत काढण्यात येणार आहे, अशी माहिती समस्त ख्रिस्ती समाजाच्या वतीनं देण्यात आळी आहे. निषेध रॅली बुधवारी १२ एप्रिल रोजी पार पडणार आहे. यासाठी मुंबईसह राज्यभरातील ख्रिश्चन समुदायाच्या नागरिकांना आमंत्रित करण्यात आलं आहे.
ख्रिश्चनांविरोधातील हिंसाचार थांबवा
ख्रिश्चनांविरोधातील हिंसाचार थांबवा
समस्त ख्रिश्चन समाजाच्यावतीनं शांततापूर्ण निषेध रॅलीचं आयोजन करण्यात आलं आहे. “आता नाही तर कधीच नाही” ही टॅगलाईन घेऊन ही रॅली पार पडणार आहे. या साठी मोठ्या संख्येनं सहभागी होण्याचं आवाहन करण्यात आलं आहे.
महाराष्ट्रातील प्रोटेस्टंट ख्रिश्चन आणि रोमन कॅथॉलिक ख्रिश्चन समुदायाच्यावतीनं शांततापूर्ण मार्गानं निषेध रॅली १२ एप्रिल रोजी आयोजित करण्यात आली आहे. या रॅलीच्या माध्यमातून देशातील २.६ ख्रिश्चन समुदायानं राष्ट्रउभारणीत योगदान दिलं असून शैक्षणिक संस्था, रुग्णालय, धर्मादाय संस्थाच्या द्वारे इतर समाजासाठी देखील काम केल्याचं समस्त ख्रिस्ती समाजातर्फे सांगण्यात आलं.
ख्रिश्चन समुदायाविरोधात राबवल्या जाणाऱ्या द्वेषपूर्ण मोहिमा थांबवण्यात याव्यात,राजकीय नेत्यांची ख्रिश्चन समुदायाविरोधातील द्वेषपूर्ण भाषण थांबवली जावीत. सध्याच्या कायद्यात पुरेशा तरतुदी असताना धर्मांतर विरोधी कायदा राबवला जाऊ नये. महाराष्ट्रातील जिल्ह्यांमध्ये ख्रिश्चन दफनभूमी असावी,मुंबईतील सर्व वॉर्डमध्ये दफनभूमी असावी. ठाण्यातील दफनभूमीसाठी आरक्षित करण्यात आलेल्या प्लॉट देण्यात यावेत. ४० आयोगांमध्ये ख्रिश्चन समुदाला प्रतिनिधीत्व मिळावं, अशा मागण्या समस्त ख्रिस्ती समाजाच्यावतीनं करण्यात आल्या आहेत.
सिंग इज किंग… अर्शदीप पुन्हा ठरला मॅचविनर, पंजाबने साकारला केकेआरवर दमदार विजय
दरम्यान, मुंबईतील वीर जिजामाता उद्यान ते आझाद मैदानापर्यंत ख्रिश्चन समाजातर्फे शांततापूर्ण मार्गानं निषेध रॅली १२ एप्रिल रोजी दुपारी १ ते सायंकाळी ६ च्या दरम्यान काढण्यात येणार आहे. मुंबईसह राज्यातील विविध भागातील ख्रिश्चन समुदायाच्या नागरिकांनी उपस्थित राहावे, असं आवाहन करण्यात आलं आहे.