मुंबईः एका निवृत्त सरकारी महिला कर्मचाऱ्याला ऑनलाइन टॉवेल मागवणं महागात पडलं आहे. मिरा रोड येथे राहणाऱ्या ७० वर्षीय महिलेने ऑनलाइन टॉवेल मागवले होते. मात्र, टॉवेलतर तिच्यापर्यंत पोहोचलेच नाहीत मात्र तिच्या खात्यातून सहा लाख रुपये गायब झाले आहेत. या प्रकरणी काशीमिरा पोलिस ठाण्यात फसवणुकीची तक्रार दाखल करण्यात आली आहे. महिलेने अलीकडच्या काळात १ हजार १६९ रुपयांचे सहा टॉवेल खरेदी केले होते. मात्र, टॉवेलचे बिल चुकतं करत असताना तिच्याकडून नजरचुकीने १९ हजार ००५ रुपये ट्रान्सफर करण्यात आले. आपली चूक लक्षात येताच तिने लगेचच बँकेत जाऊन यासंबंधी तक्रार केली. तसंच, आपली उर्वरित रक्कम कशी मिळेल यासाठी बँकेकडे मदतही मागितली होती.
दहिसरमध्ये रात्रीस खेळ चाले! बिल्डरच्या कार्यालयाबाहेर मुलाच्या मृत्यूची लिहिली पाटी, अन्…
दरम्यान, बँकमधून घरी परत आल्यानंतर तिला एका व्यक्तीचा फोन आला. त्या व्यक्तीने बँकेतून बोलतोय असं सांगून तिला एक अॅप डाउनलोड करुन ठेवायला सांगितले. मात्र, अॅप डाऊनलोड करताच तिच्या खात्यातून सहावेळा खात्यातून एक लाख रुपये काढण्यात आले. महिलेला हे कळताच तिने तातडीने सायबर पोलिसांना संपर्क करत तक्रार नोंदवली आहे. पोलिसांनी याबाबत अधिक माहिती घेतली असता महिलेच्या अकाउंटमधून काढण्यात आलेले पैसे हे उत्तर प्रदेश येथील अंबारी गावातील एका व्यक्तीच्या खात्यात ट्रान्सफर करण्यात आले आहेत.
सासऱ्यांमुळं सुनेवर सरपंचपद गमवण्याची वेळ, इतर सदस्यही अपात्र, जळगावात नेमकं काय घडलं?
