हिंजवडी येथे एका आयटी कंपनी समोरील फुटपाथवर महिलेचा खून झाला असल्याचं समोर आलं आहे. स्वाती राठोड असे या महिलेचे नाव असल्याची माहिती आहे. महिलेच्या पतीनेच चाकूने भोकसून तिचा खून केल्याचे प्रथम दर्शनी समोर येत आहे. शनिवारी रात्री साडे नऊच्या सुमारास ही घटना घडल्याची माहिती आहे.
सब इन्स्पेक्टरनं स्वत:ला संपवलं, पोलिसांचा घरी फोन, प्रतिसाद नाही; जाऊन पाहिलं तर सारंच संपलेलं
याबाबत मिळालेल्या प्राथमिक माहितीनुसार, हिंजवडी फेज २ येथील आय टी पार्क येथील फुटपाथवर खून झाला असल्याची माहिती समोर आली आहे. स्वाती राठोड नावाच्या महिलेच्या पतीने चाकू भोकसून तिचा खून केला आहे. छत्रपती शिवाजी महाराज चौक ते हिंजवडी पोलीस स्टेशनदरम्यान वरील फुटपाथवर हा खून झाल्याची माहिती आहे.
एवढंच नाही तर पोलीस स्टेशनपासून हाकेच्या अंतरावर हा खून झाला आहे. त्यामुळे पोलिसांच्या कार्यक्षमतेवरही प्रश्नचिन्ह निर्माण होत आहेत. या घटनेने परिसरात एकच खळबळ उडाली असून हत्येचे नेमके कारण अद्याप समोर आलेले नाही. घटनेची माहिती मिळताच पोलीस घटनास्थळी दाखल झाले. त्यांनी तातडीने मृतदेह शवविच्छेदनासाठी पाठवला. खून केल्यानंतर आरोपी घटना स्थळावरून फरार झाला असून पोलिसांकडून त्याचा शोध घेतला जात आहे. सध्या या प्रकरणाचा पुढील तपास करण्याचे काम हिंजवडी पोलिसांकडून सुरू आहे.चिमुकल्याचं अपहरण, पाच दिवसांनी मृतदेह तलावात, कारण कळताच आई-वडिलांच्या पायाखालची जमीन सरकली